Intant un grazie! Vincjecinc edizions di "Buje Pore Nuje" 'e son tantons, che pôs 'e puedin mostrâ. Un lavoron chel davuelt in chesc' ains dai amîs di Ursinins Picul, cun ores e ores di impegn, magari robades ae proprie ativitât, ae famee o a pui comuz divertimenz. Un lavoron ancje (o sôre dut) pe preseade qualitât de riviste; e chi el grazie al ûl slargjât ancje al "Giornale di Brescia", pe vieste grafíche, e ai autôrs dai articui, interessantìssins, che ogni an nus permetin di scuviergi gnûfs cjapitui de storie di Buje e de sô int, ma ancje considerazions profondes e sclez comenz sui faz che tormentin le societât furlane e umane in gjenerâl.

E le edizion di chest an no fale rispiet a cheste tradizion di qualitât: ch'al basti riquardâ chei che rivuardin el trentesin dal teremot, opûr certes aventuroses biografies di personagjos locai, o ancjemò el "pêl e cuintri pêl" ae grafíe ufìciâl de marilenghe (par "Novitâts"- pag. l:... a Buje 'j disin "miôr" e no "miei").

Al è di sperâ di cûr che "Buje Pore Nuje" al continui a sei publicât: ven-a-staj... se 'j rivin a capî le sô valence culturâl 'j podìn no vê tante pore di scugnî in curt imparâ el Corano in arabo a memorie!