In chest mês di mai al vignarà pre-sentât chest libri, cu les memories di Padre Pio Populin, stampât par cure des edizions Il Campo, cul jutori de Associazion Culturâl El Tomât. Padre Pio al è un frari Francescan (Minori Conventuali), nassût a Ursinins Grant il 17 di fevrâr dal 1913, de famèe di Benedet, che e vevin buteghe. Al vîf e al lavore di agnorums in Brasîl, dulà che al condivît cun dute le puare int che al cjate pastrade, les fadies dal vivi e chês dal resurì inte peraule dal Signôr. Vecjo, scuasit cence plui voi par cjalâsi atôr, plen di dute le fuarce de sô mis-sion al continue a dâsi pai puars, intal mieç dai puars, dai fruts di strade, te miserie plui crude, tune umanitât spier-dude.

Di passe cuarante agns al è a stâ tes favelas di San Paulo: dome dôs voltes al è tornât a viodi le sô int e le sô tiere; nol podeve strassâ bêçs par un viaç, posto che cun chei al veve cetant di miôr di fâ par soi puars; dome dôs vol-tes, ancje parceche al à voe di vivi cun plene aderence empatiche e spirituâl dut il sconvolgiment che tancj emi-grants e an vivût cuant che no an podût plui tornâ a cjase, inta chel paîs di memories e di ricuarts che fasin sclopâ il cûr pe nostalgje. Al à spedît dutes les sôs memories a so

gnece Letizia Calligaro di Urbignà, che jè lade indenant par mar e par tiere fin che à cjatade le strade juste par rivâ a dai le sodisfazion al barbe: divulgâ il so operât, par semenâ pâs e voe di impe-gnâsi prime di dut ae int dal so paîs, pai mancul furtunâs, sostignûts de fuarce de fede e caritât cristiane. Leint il libri si cjate le storie di un omp te ricercje di Diu, podopo el scuintrâsi dibessôi cu le realtât de vite tune tiere lontane: il cognossi vôs profetiches come chê di Helder Camara, les cultu-res dai popui indios cun ducj i dirits scjafoiâts de prepotence dai parons, le teologje de liberazion, il supuart costant de Peraule dal Signôr. No stait a smen-teâsi di chest libri, che Padre Pio al à volût dedicânus: no dibant.