Dialogo

fra un quargnul dur e un quargnul tenar...

—  Mandi copari. Vignut cumò dall' estero ?

—  Propi cumò, a gioldi chei quindis dis...

—  volevi ben di... che no tu fossis vignut in cheste biele circostanse!

—  Ce isal di gnuf ? Io no sai nuje...

—  Po' no setu di Madone tu? No satu che uè al fas l'ingres il nestri gnuf Plevan?

—  Ce utu co sepi io di plevans! E po' di quant in cà ise fate parocchie a Madone?

—  Biele anchie cheste!.. No tu sas propi nuje? o fastu di no savè?.. Dopo agns e agns che si lotte, che si suspire, che si fas sacrifízis, dopo che si à otignut decrez sore decrez tu no tu sas nuje? Va là... tu no tu ses di Madone....

—  No mi ocupi di ches robis io.

—  E chest l'è mal! No si al di ocupasi del pais du la che si nas? no si al di ve gust che

ai vadi in  denant nel progres, che si fasi onor in ogni campo?

—  E po' no bastavial un plevan a Buie?

—  Anchie tu come chei di sot... Ti parial mo pussibil che un sol plevan al puedi atindi a quasi undis mil animis dispiardudis in tune Buie?... E poi, no erial di just che a Madone o vessin un'altre parocchie cun tante popolazion, cun che biele Glesie?

—  Dutis bielis robis, ma mi par che si podeve fa senze, mi par une chiose di plui... un
caprizzi....

—  Un caprizzi tu disis? Ma tu no tu cognossis il passat. No satu che fin al quindis Madone e jere come une parocchie e che il Vichiari si podeve dilu un plevan, e dopo a lè stat puartat vie dut quant? No erial natural che chei di Madone e cirissin di tornà a vè ce che vevin piardut? E poi... no satu che il mont a l'è cussì: che cui che nol sa imponisi un poc a fa valè i propis diriz al ven mittut sot i pis ?... A lere necessari di sveasi, e noaltris di Madone o vin savut riuscì... e uè dug a son contenz. Atu di jessi nome tu diferent?

—  E alore nuje plui Plevan di S. Stieíìn a Madone, nuje plui in Mont ?

—  E son robis passadis... O vin parocchie besoi, o vin Plevan besoi... no tu us crodi
anchimò? No viodistu uè ce moviment, ce preparativs; no sintistu la musiche che compagne il gnuf Pastor?.. Tu viodaras usgnot.. usgnot tu viodaras... e o viodarai anchie iò se veramenitri tu ses un quargnul opur un ambul...

—  Oh no, uei jessi anchie io di Madone, o soi nassut quargnul, e...