peraulis di pre Meni Zannier  musicate da Don Daniele

Ce biel Te Deum ch'al cjante
di gust il Monsignôr,
cumò ch'e son Cinquante
cun Crist in pan e amôr.

resc predi consacrât
ta l'an cinquantenûf
dopo vê tant studiât
al mole il scuš dal ûf.

Pre Midio, Glemonat,
dal nobil sanc dai Gois
al fronte chest mondat
e no si piert pai trois.

I superiôrs lu mètin
cui clerics a insegnâ,
Grec e Latin si assètin
tai cjâfs a tribulâ.

Viodût ch'al vâl, lu plàcin
te sente dal Retôr,
dulà che pôs si impacin
a tirâ sù la flôr.

Dal Seminari al svole,
al passe capelan.
Tal ultin si console
cul deventâ plevan.

Al cjate timp parfin
di vignî fûr Dotôr.
Quanche si dîs destin
di un classic di valôr.

Al gire mieč Friûl
di fieste e disdevore.
Nol à vôs di usignûl,
ma si lu sint adore.

Al rive insomp a Udin,
pensait, in Catedrâl!
Ma no son sanz ch'e jùdin
te pusizion centrâl.

Cussì nus plombe a Buje,
pâr fâle curte in brêf.
I dìsin: «Pôre nuje!
Ca tu stâs ben in Plêf».

E lui al fâs meracui,
Si vise dai Pastôrs.
Al cjate un pôs di ostacui,
ma al vinč, sudôrs e onôrs.

Pre Midio, tu tu sâs
che il popul a' ti ûl ben.
No sin di santitâz,
ma nancje tocs di len.

Lis veretâz di dînus
ti à dit il Bon Pastôr.
Lis mans par benedînus
ti à dadis il Signôr.

Cun Lourd e la Madone
ten San Laurinč in Mont.
Ten l'àur de tò corone
e il nestri cûr profont.

Grazie Signôr
di cheste vocazion.
Grazie Signôr,
mantegnilu tant bon!