Intant che chest articul al jere in stampe, il 3 di fevrâr pre Milio cidin cidin nus à lassâz! No varessin mai pensât che chest nestri ricuart afetuôs al sares deventât Vultin mandi par un amî...

Une sdrume di int di ogni condizion sociâl 'e à compagnât pre Milio par dâj Vultin salût tal domo a Udin, dulà che l'Arcivescul Battisti, ingropât, lu à defìnît un "artìst tal restaur morâl dal omp".

Buje 'e met uê il so non tal libri d'aur dai soi omps plui granc'. gcm Pre Milio de Roja, citadin di Buje fin dal 1945, al à celebrât e ricuardât l'an passât, il so cincuantesim di Messe in tal so paîs: te sô parochie di Urbignà e di Madone, dulà ch'e jè madressude la sô vocazion di diventâ predi e al è stât consacrât.

Prin des celebrazions in Parochie, la famee Savonitti di Urbignà, 'e à proponût a parinc' e amîs un viaz di gnocis d'aur, piligrinaz di ringraziament, in Carintie là ch'al è nassût Emilio tal 1919, cun tape di prejere a Gurk, dulà che il Pape al imcuintrà za fà cualchi an, i todescs, i slovens e i furlans.

O' jerin in 130, tra parinc' e amîs di dute Buje, a preâ par furlan cul messâl che pre Milio, su lis corieris, nus veve regalât. Lui al jere ingropât, come duc' nô, a ricuardâ tantis vicendis, specie de sô prime 'zoventût, cun tanc' amîs dal paîs ch'al à cjatât di sorprese in te comitive.

Intant de Messe, in te grande catedrâl dorade di Gurk, pre Milio nus à f at passâ sot dai voti i siei gjenitôrs tribulâz, i siei tre fradis muarz in uere, il bon acet in te numerose famêe Savonitti e tal pâis di Urbignà e di Madone dulà ch'al rivà a vivi tal 1927 par cause di malans e malatiis familiars che lu vevin sprivât dal afiet de mari e dal pari.

Nus à ricuarât i siei compains de prime scuele, i siei mestris, specie Vriz e la mestre Eme de Vanzee; il so plevan pre Michêl Mattioni ch'al à garantît denant dal vescul pe vocazion dal frut; pre Modest Pez il capelan: i siei amîs di seminari; il barbe Milio, uarp; gnagne Dele e Catinute, le vuardiane de fede de famêe e dal paîs; e dute la canae dal curtîl di Cinai (vot, nûf fruz sot i dîs ains) che ancje lui al faseve part.

E cussl di un frut diseredât, rivât da l'Austrie a 8 ains, in cjase di barbis e cusins (insieme cun âtris quatri fradis e sûrs) la Providence nus à dât il predi Emilio a 22 ains (1941). E Lui si è dât daurman a servî chei ch'a vevin bisugne, prin in timp di uere e po' in timp di pâs e pe ricostruzion, fin a rivâ a ches oparis ch'a son clamadis "Scuola d'Arte e Mestieri San Domenico" e vuê "Casa dell'Immacolata" vierte dl e gnot par ricevi e tignî dongje e pussibilmentri inviâ a un mistîr e a un puest di vore i 'zovin plui in dificultât e ancje plui dismenteâz de Regjon e di difûr.

'Zovins in dificultât parceche non àn mai vût calôr di famêe o no àn vût gjenitôrs; 'zovins ribei strissinâz di tristis companiis o âtri. Lui ju scolte, ur dà confidence, fiducie, afiet e ju spiete aes conclusions cun infinide pazienze parceche ancje lôr a' son "fis di Diu", a' son "fradis"!!! e Hs conclusions, plui di cualchi volte a' son stadis "autentici successi", "veri ricuperi alla vita e alla società" (peraulis di pre Milio).

In temp di uere!... S'o ves di contâus dut ce ch'al à fat il nestri predi in timp di uere, us jemplares dut "Buje pore nuje!". Cuanche la uere s'incagnive cuintri dai civij, pre Milio al à tirade fûr un grinte e une sgrimie formidabil par intrufulâsi dentri tai comanz todescs, par cirî di evitâ i famôs "rastrellamenti e rappresaglie".

Us fâs nome cualchi non di personis di Buje di sigûr salvadis de deportazion, parcè che Lui lis à visadis in timp par ch'a scjàmpin: il miedi Vidon, il bons. Chitussi, il colonel Gino Mittoni e âtris. E int ch'al à tirade fûr des peresons di vie Spalato des sgrifis di Stanglizza?

Ma Lui, pre Milio, nol vûl savent di sei stât nome un partigjan, nome un patriot, un meritevul di medae; par Lui il titul ch'al è braurôs ch'a ricognòssin al è nome chel di sei stât e di sei par duc' un predi.

Dispes si è cjatât tal miez di sparatoriis fra partigjans e todescs, al à medeât feridis fisichis e morâls di ogni sorte, assoluzions in extremis... mai curansi dal so risc' di vite!. Finide la uere, bisugnave lecâsi lis plais ch'a jerin tantis e serus, massime tra i' zovins e tes fameis!

Di chi al partis l'impegn pastorâl di pre Milio, ch'al ven mandât dal Vescul, tant che Vicjari a San Domeni, tal borg di Udin plui puar di risorsis e plui siôr di disocupâz! Lis cjasis a jerin lis plui misaris, lis fameis dutis misclizzadis: miserie materiâl e morâl.

Lui nol disarmà! Al capì a colp ch'a bisugnave scomenzâ cun tune scuele par pizzui e granc' e si metè a fâ sù, cence bêz, nome cui braz dal puest e cun cualchi bon capo, amî, come ajutant, ("cence nissune Kcenze.....se no si pierdeve timp.....") une "scuele professionâl di arz e mistîrs". Come Don Bosco!!!H Il fabricât al è vignût sù tun moment e tun moment al à scomenzât a funzionâ cun sezions par marangons, muridôrs, faris e sartôrs (fruz e frutis, omps e feminis).

Tal 1948/49 i notâz ae scuele 'e passavin i 200: a' vignivin de provincie e difûr! E par esperimenz e esercitazions dai 'zovins mistiranz, lis baracutis dal Villaggio San Domenico in pôc timp a' son deventadis cjasutis e pôc dopo cjasiscjasis; e uè al è un cuartîr de miôr periferie di Udin.

Vait a viodi se no jè vere!!! Dopo lis 56 cjasis pes fameis di San Domeni, o' sin a la fin dai ains dal '50, pre Milio, cun tun bon grop di colaboradôrs volenterôs, al à scugnût proviodi a fâ une gnove cjase convito e une gnove scuele plui grande par 'zovins e omps che simpri plui a' domandavin d'imparâ un mistîr.

I prins ch'a vevin imparât ur insegnavin ai gnûfs rivâz; âtris, 'za perfezionâz tal mistîr, 'e vignivin di pre Milio in persone compagnâz tes impresis di ogni fate, tant te Regjon, che vie pa l'ltalie, che tal forest (Gjermanie, France, Belgiche, Lussemburg e vie indenant). Vuè tanc e tòrnin sposâz o no sposâz a ringraziâ e ricognossi il ben ricevût.

Cheste cjase convito, cheste scuele gnove ben montade di lavoratoris 'e à cjapât il nom di Casa dell'Immacolata parcè che, al dîs pre Milio: "a chel ch'al ricognos a al rispiete une Mari (rimmacolata) e si dà da fâ, nol pues lâ mâl" e i fruz e i 'zovins ch'a van a cirî pre Milio 'e son la plui part cence mari ni pari.

Ma a un ciert pont, lis faturis dai furnidôrs dai materiâi di costruzion si ingruessivin e bisugnave pûr pajalis!!! Par sbarcjâ il lunari pre Milio al fazeve ogni dì i conz cu la Providenze... e cu lis cambiâls. I benefatôrs privâz a' jerin di ogni fate, des bancjs ae puare femenute ch'a disvuidave il tacuin tes mans dal predi ch'al insegnave a lavorâ a chei fruz.

Des cambiâls si rivave ai protesc', aes ingjunzions, ai secuestris e lui, fûr e dentri pes preturis, pai tribunai, pes procuris (ancje colpe i siei fruz che ogni tant... dispes... j cumbinavin cualchi macacade di Codiz Penâl. '.. ), vie pes Curiis, vie a Triest, via a Rome... a bati casse!!!

E chest sistem di berghelâ aiuto! cui protesc', ch'al à durât cualchi an, ae fin al à funzionât parcè che l'Opare a' jè deventade d'impurtance sociâl al pont ch'a jè stade ricognossude tanche Ente Morale e uê 'e à un contribût regjonâl pal funzionament de scuele! Il saldo dai conz, però, al rive simpri cu la gjenerositât di tanc' ch'a stimin la Casa dell'Immacolata.

Pre Emilio nol à mai vût timp de fâ statistichis, ma si pò contâ a miars i 'zovins che in chesc' 45 ains di Opare a San Domeni si son instradâz sun tune vite di famee e di lavôr, e plui di cualchidun si è butât cun iniziative ta l'industrie, ta l'artesanât e tal cumierz cun boins risultâz.

E alore cumò, cul ricognossiment regjonâl, sono finîz duc' i problems di pre Emilio? Nancje par insiup, and'è problems cumò plui di prin: a' saràn in câl chei de miserie materiâl, ma a' son incressi chei plui dificii de miserie morâl: droghis, alcolisim, separazions, profugancis, tierz mond... e ancje a chesc' problems pre Emilio ur vierz la sô cjase e al sta metint man e cûr!

E a cui che si dà di marivêe de pazienzie e de costance e soredut de fiducie che lui al met in personis ch'al è tant dificil di lavorâ cun lôr, al dis: "Jo 'o procuri nome di staûr dongje, di no fâju sintî soi. Duc', alore, a' devèntin e si sìntin miôr, di pôc o di tant, ma miôr. Impuartant al è che no si sìntin di bessoi parcè che ancje lôr a' son Fîs di Diu, a' son nestris fradis!"

Dutis chestis vicendis a' son stadis ricuardadis, cun tanc' âtris particolârs di vite vivude, in tes celebrazions di Gurk e te parochie di Urbignà e Madone, dulà ch'al è intervignût il Sindic a regalâ al reverendo don Emilio il "sigjl de Comune de Buje" e il Vicjari forani al à puartade la benedizion dal Pape e il messaz dal Arcivescul. Pre Emilio, al veve menât cun sè un bon grop di siei frutaz plui vîvs.

La clime de ricorence 'e jè stade dut un ringraziâ il Signôr pal grand regâl che nus à fat cul prendi Emilio che, par tant ch'al à scrit l'Arcivescul tal son messaz, al à operât par che no si pièrdin te nestre societât i valôrs de amicizie, de fradae, de solidarietât, de fede, "soli valori che possono dare un futuro sereno all'umanità; questi sono gli amplissimi orizzonti dell'opera sociale del nostro monsignor Emilio, onore, vanto, cruccio, provocazione, per la città di Udine e per il nostro Friuli".