Nô, frus di une volte, 'o fasevin el Presepio cu les statues di carton tajades tes scjates des scarpes. Un traviers sot vie par ch'e stein sù. Piturades cui colôrs Giotto; s'ài prestavin un cu l'altri ch'an vevin dome doi paromp. Les piores les fasevin cu les scjanusses di soreâl. Gjesù Bambin cun doi clas buluzzâs tun pezzot; pui grande le panze pui pizzul el cjâf.

I voi, el nâs e le bocje cun tun stiz tirât fûr dal spolêr. Lu pojavin el dì di Nadâl te stale dal presepio su tun grun di stran e 'o crodevin ch'al fos el fi di Diu.

Come co crodevin in Sante Lussie e ancje te mari dal Diaul. Ué no crodin  in nuje.... a dîs ains e son 'za vecjos.

Nô 'o vevin pore dal pari, dal plevan, dal mestri, dai carabinirs;

chei di ué nus disin ch'o jerin gnonos...

nô no vin pore di nissun..... 

'o vin dome pôre di vivi.