Par la pal mont

Documentazione
Varia

I documenz che coventavin par lâ pal mont

 Aita Vincenzo di chei di Scjassul di Sacuel nassût a Buje tal 1918,  finide le uere al veve scomenzât a fâ un pôs di conts e progjets. Viodût che in Friûl les vacjes e jerin magres al à pensât ben, come ducj  i zovins di chel periodo, di emigrâ, o mior ancjmò di lâ a cirî furtune in parts di mont che al someave che e jerin dispostes a dâle a chei che e vessin vût el coragjo di lassâ dut e partî ae aventure.

Eco che alore al à scomenzât a meti dongje les cjartes che busugnave vê par domandâ el passepuart che i vares permetût di partâ pal Venezuela:

Le domande plui impuartante fate in date dal 18 di Fevrâr dal 1947 al Ministeri dal Forest par che e dedin l'autorizazion ae Prefeturte di Udin di fâ el Passepuart.

El  certificât di robuste costituzion, firmât dal miedi Vidon e cuintri-firmade dal Sindic. 

El certificât di nascite furnît dal Ufizi di Stât Civil. 

El certificât dal Ufizial Sanitari che al sigurave che al veve fate le vassine cuintri tifo e le vuarvele, firmât dal Miedi Vidon.

El certificât di buine condote firmât dal Sindic.

El certificât penâl (di buine condote)  lassât dal tribunâl di Tumieç.

e ae fin le domande ae Legazion Venezuelane par podê vê l'autorizazion a partî.

In Venezuela però Vincenzo nol è mai lât, e dutes chestes cjartes  e son restades tal scansêl.

Qualchi an dopo, tal 1952,  al à decidût  di partî pe Australie e le trafile e jè tornade a scomenzâ. Cheste volte le documentazion e  jè plui curte, chest parceche pal gnûf mont Vinssens al è partît  a vore, (ancje se par sol doi ains)  e di sigûr qualchi cjarte e je stade tratignude in qualchi uffizi.

Les cjartes restades e son chestes:

El certificât di buine condote rilassât ai 18 di fevrâr dal 1947 e firmât dal Sindic di Buje.

Certificât lassât de Preture di Glemone che al certificave che Vincenzo nol veve procedimenz penâi in cors.

Certificât lassât de Procure de Repubbliche di Tumieç che al certificave che ancje chì nol veve  pendences penâls.

El Stât di Famèe lassât dal Comun di Buje.

El "Casellario Giudiziario" certificât lassât dal Tribunâl di Tumieç, che al risulte "vueit".

Come che si pues viodi le Australie e jere plui curiose di savè i problems gjudiziaris vûts dai eventuai emigrantz, forsit si visavin cui che e jerin stats i prins europeos puartâts la e cussì e metevin daurman les mans indenant.

 N.B. Se vuè i podin viodi quale che e jere le documentazion complete che coventave par lâ pal mont al è grassie a so fì Sandro che les a cjatades in tun scansel e tignudes di cont.