Anconis

di Buje

La "ancone" 'e je une espression carataristiche des societàz "sacrâls", veri a stâj di chês comunitâz umanis ch'a ricognossin un puest primari e privilegjât te lôr organizazion sociàl aes manifestazions di Diu, aes personis ch'a lu rapresèntin, ai lucs là ch'a cròdin ch'al sedi particolarmentri presint, aes robis e cerimoniis rituâls ch'a lu clàmin. La ancone, duncje, al è un mut di pandi la presince Diu turi luc là che l'omp al à plui bisugne di lui par uardâsi dai pericui. Dongje di une aghe par tigni lontan l'aluvion, sun turi puint par uardâ la int ch' a passe, sun tune montagne par guidâ il pas just, sun tune cjase par difindile de aghe e dal fuc, sun tune crosere par sconzurâ i pericui dal trafic, su l'òr di une strade bandonade par fermâ i sassìns. Massime lis societàz contadinis 'e àn simpri tirât-su anconis atôr pai cjamps par difindi il sudôr des lôr fadiis, sedi de tampieste sedi dai laris. Chì di riò, atôr pes campagnis dal Friûl, fin de ete romane si à memorie di anconis fates-su in onôr des divinitâz paganis dai cjamps, massime a Balen, a Silvan, a Priap, a Mercuri e vie discorint. Cu la cristianizazion des campagnis i dius venerâz prime a' son stâz gambiâz cul Diu e cui sanz de gnove religjon, ma l'usance e i lucs sacros a' son restâz. Parceche la religjon 'e je gambiade ma la religjositât coletive 'e je restade. La ere di Miez 'e je, come ché antighe, une societàt sacrâl e contadine. Cussi dut il Friûl al à simpri vût une floridure di anconis, pizzulis o grandis, elegantis o salvadiis, artistichis o rustichis, ma simpri vôs sincere sedi de devozion sedi de culture in gjenerâl de int. Forsi al è dificil cjatâ une espression plui autentiche de culture popolâr! Tal nestri timp, però, lis anconis a' son in grant pericul. La nestre no je plui une societàt sacrâl, ma laiche. Il "sacro" nol à plui un puest di privilegjo tal contest sociàl; al è deventât un fat privât. La religjon ognun la pratiche par cont so e no je plui ricognossude come espression di dute la coletivitât. Nol è plui puest, duncje, tai lucs publics pes anconis. La societàt laiche 'e à altris segnai di meti in mostre. Dulà cjataiso uê une ancone tune zitât moderne e razionâl? Cussì lis vecjs anconis a' son bandonadis, trascuradis, ancje butadis-ju par slargjâ une crosere, par asfaltâ une strade, par fâ un puint plui larc o tirâ-su une ciase gnove. E no si vìsisi che cussì si dà une man a distrugi no nome i ultins segnai dal "sacro" te nestre civiltât ma ancje lis espression plui tipichis de nestre storie e de nestre culture popolâr. Ancje a Buje, dulà che il proces di secularizazion de societàt al é plui lent ma istes simpri presint e atif, tantis anconis a' son sparidis, cence che nissun si sedi voltât daûr. Lis esigjenzis dal trafic, la smanie di imbieli o modernizâ lis cjasis, il taramot par ultin, a' jan strissinât-vie curi sè tantis di chestis peraulis vivis de nestre tradizion (fig. 1). A' son lucs che ancjmò la int 'e clame "Là de ancone" (par esempli tra il Marcjât e Ursinins (fig. 2) o a Tombe, lì che cumò 'e je la canoniche) ma che di anconis lenti atôr no ie plui olme. Di tantis anconutis la nestre memorie 'e conserve ancjmò il ricuart afetuos... ma une dì, no si sa ben parcé, chel monument al è sparit, e nissun al à dir nuje. Par furtune, massime in chesc' ultis ains, al è stat ancje qualchidun che si è rindût cont di chest far. Plui di un privât al à vude cure di rinfrescjâ qualchi afresc, di stabili i murs e rifà il cuviert di une capelute, di comeda la gridele, di torna a pia il fararut o a meti un mazzet di rosis. Qualchi borc intir al à concorût a ristoraâ la vecje ancore dirocade. Parfin l'Aministrazion comunâl 'e à spindût par ripara e rinfrescjâ qualchi ancone impuartant. Al pò sei il segno di une religjositât coletive ch'e torne a disveâsi, al pò ancje sei nome la nostalgje di un mont pierdût. Di sigûr al è un far di cressite culturàl. 'O vin dir alore: Viodìn tropis anconis ch'a son ancjmò a Buje. E la sorprese 'e je stade che, cun tantis ch'a son ladis pierdudis, indi é ancjmò unevore par ogni borc, di Mont fin in Arbe, di Saramont in Colosoman, di Vile a Codês, dai Sales a Urbignâ... Quarantevot! Egjdio Tessaro al à girât par dure Buje, cjacarant cun tante int braurose de sô anconute, e cul so obietif sapient al à tirade-ju une schirie di fotografiis plenis di poesie e di comozion. Lis presentìn culi come un document rampit di vite dal popul, come un trat de nestre identitat culturàl, cu la sperance che duc' si rindìn plui cont che ancje chel al è un patrimoni ideâl di conserva pal ben di duc'. Cussì, dal 2087, qualchi mame, passant par San Florean, lì de latarie o in altris siz 'e podarà ancjmò di) al so frut come ch'j diseve me bisnone a me mari pizzule: "Insègniti, mo, e prée il Signorìn che ti tegni la man sul cjaf. "

Des 48 anconis, 13 a' son formadis dal Crocifis s (di solit piturât sun rune bande) o de sole crôs, 27 a' son dedicadis ae Madone (11 la Madone cul Bambin, 7 la Madone di Laurdes, 3 l'Imacolade, 1 la Madone de salût, 1 l'Assunte, 1 la Madone di Pompei, 1 la Regjne de pâs, 2 cence titul), 2 a' son dedicadis ae Sante Famée (Gesù, la Madone e Sant Josef), 2 a Sant Antoni di Padue e 1 a San Florean; (3 no àn titul). Geograficamenti a' son cussì distribuidis: 24 sul teritori de parochie di San Lurinz (Mont 2, San Florean 4, Ontegnan 2, Strambons 1, Sacastoe 1, Sacuel 3, Cjaspigjel 1, Ursinins Pizzul 2, Ursinins Grant 5, Arbe 1, Colosoman 1, Sale 1), 13 in parochie di Madone (Madone 2, Sot Frate 1, Codês 2, Solaris 2, Saramont 5, Cjamp 1), 5 in parochie di Vile (Vile 3, Tonzolan 1, Andreuce 1), S in parochie di Urbignâ e 1 in parochie di Tombe (tai Salez).