Di sigûr tes famèes di Buje 'e son inmò riserves di fotografies, ch'e vignaran in lûs un pôc a la volte. Cumò, intani, j ài cjatât une miniere là di Neva Eustacchio (n. 1922) che sta a Dartigne, ma 'e jere di Solaris.

J presenti chì dome pôs esemplarsi chei che miôr 'e mostrin le vite di une volte. Al è significatîf che, tal album di Neva, unevorone di tocs 'e stan a testemoneâ, al solit la diaspora de emigrassiòn. E alore, daûr dai cartoncìns, si lei:

Atelier]. Kleiber-Stuttgart

Naschitz Laslo-Megorzom

Wittman Nandor-Komaron

Hans Strauss-Muhldorf

Atelier Grainer-Transtein

Eugen Weigand-Algringen

Frank Kunc-Ljubljana

Ma les pui interessàns 'e son dal Studio Barnaba, di Madussi e Figlio di Artegna e di Giovanni D'Aita ch'ai è chel che si reclamizze di pui:

Encomiato dalla Real Casa - Più volte premiato - Ritratti sino alla grandezza naturale - Riproduzioni - Ingrandimenti - Gruppi - Vedute - Monumenti ecc. di ogni forma e grandezza - Lavorazione artistica ed accurata - Lavori a olio a pastello a carbonino - Nuovo processo istantaneo... E vie indenant! El vanto pui grant: Pittore Fotografo encomiato dalle LL.MM il Re e la Regina d'Italia. La furbarie pui grande: Prezzi più bassi di tutti i fotografi!

Bisugne cjalales, dutes, cu le lint: 'e contaràn tantes robes; 'e daràn une sorte di eternitât' a un mont che pui nol è.