L'ocasion dal Milenari dal prin document ch'al nomène i cinc cjscjei furlans di Udin‚ Buje‚ Feagne‚ Groang e Braitan 'e à sveât ancje l'estro creatîf dai medaisc' di Buje ch'e àn eternât l'aveniment tal bronz.
Chì 'o presentìn la medae uficiâl ch'al à modelade Giampaoli pal Comun di Buje e la medae di Pezzetta ch'e jé nassude de sô libare iniziative. La prime 'e à une impostazion classiche e si ispire a une vecje miniature dulà ch'al é figurât Crist ch'al poe la sô man sul cjâf dal imperadôr Oton II (chel dal document dal 983) e de imperatrice Teofane. Atôr atôr si lei: Supra mille annos Bujensium juventas. Ven a staj: Chei di Buje a' son 'zovìns di plui di mil ains! La seconde, invezit, d'impostazion moderne, di une bande 'e ûl celebrâ la 'zoventût dal Friûl che simpri al resurìs come l'aghe di risultive: Erumpit ut aqua vita; di chê altre bande 'e ricuarde i cinc cjscjei dal Milenari e la culture agricule pastorâl des campagnis furlanis ch'è à fat la vere storie dal Friûl.