Une volte ogni comunitât e veve i soi stemis pes fameis pui in viste, ven a stai e veve une sô proprie araldiche che meteve in lustri lis fameis plui vecjs e tipichis di chel luc. Ancje Buje e à vût une sô araldiche e no nome pe famee Barnaba che tai timps dal fascio e à vût un moment di lustri ma, massime tal Sîs e Sietcent, pai grops etnics plui antics. Come che si po viodi ancjmò, massime tai vecjos puartons, chestis fameis e vevin tai lôr stemis dut il svant di sei di Buje e di dâ alc par fâ grant il so non. Al è duncje un erôr chel di crodi che il steme al sedi propri des fameis nobil. Chestis e vevin eventualmentri qualchi segno propri par declarâ il rango speciâl che tignivin ta chê societât. Chi di seguit o darìn lis stemis bujesis ch’o cognossìn daûr dal libri di Pieri Menis publicât tal 1951 pe messe gnove di so fi. (1)

Come che si po viodi, e vegnin fûr quasi dutis lis fameis plui antighis di Buje cun qualchi zonte moderne. No din invessit il steme di Buje che ducj cognoss, il bo cu la bandiere, e chei altris pôs riferîz a istituzions, ancje parceche e son plui modernos. Gjavant, biel s’intint, chel di Buje ch’al è il plui antîc di ducj e che si lu cjate parsore la puarte pizzule de vecje Plêf di Mont.

Note:

1 - Pietro Menis, Stemmi bujesi, San Daniele 1951.