Le prudense no è mai masse

Galiano Pessete al 'ere stât un grant lavoradôr e, matezzôs di nature, j veve simpri plasût scherzâ e cjoli vie. Ma i ultims agns, dopo une lungje malatie, al veve pierdût un pôc le memorie e le luciditât di une volte.
Une dì, posto che Leon di Tai, so aversari tal raminut, un 'zuc che i anzians 'e fasevin cu les cjartes di scaraboc', nol podeve movisi di cjase par vie de flebite al 'ere lât a cjatâlu.

Tabajant cun lui, Galiano al sintive des vôs e, crodint ch'e vignissin de television (no si 'ere nacuart che sot de television studade, sul carel, al 'ere l'aradio impiât), al disè:

- Almancul, te me television, ogni tant, e vegnin fûr omps...

E Leon, ch'al 'ere un remenot di chei babios, j rispuindè:

- Eh, culì si son faz furbos: cun duc' chei rapimenz di cumò, no si fasin viodi!