Le diete di gno pari

I ultins ains a gno pari j vevin cjatât el diabete e lu seguivin chêi dal centro specializât dal ospedâl di S. Danêl, dulà che lui al scuignive presentasi ogni tant pai controlos.

Considerât ancje c'al jere sore pês, le dotoresse j veve ordenât di pierdi almancul 15 chilos.

Imagjnaisi ce problema par un che no'l veve mai vût cagnate ni tal mangjâ... ni tal bevi!

Une dì, le dotoresse, viodint che el pazient une volte al calave un chilo e une volte a'n creseve doi, j domande:

- Ma lei mangia tanto? Segue la dieta che le abbiamo assegnato?

E lui: - No, no, mangio poco, come mi avete ordinato.

E alore le dotoresse, come pensant a vôs alte: - Come si spiegano queste altalene di peso? Perché non dimagrisce?

E gnó pari: - Sarà forse perché mangio spesso... Sa, voi mi avete detto che posso bere un solo bicchiere a pasto, e allora io devo mangiare spesso!