Un prestit a “breve termine”

Un di Tombe (cheste volte j tasari el non, par delicatece), tai ains cincuante, al veve famee cun tre-cuatri fîs, al ere cence un lavôr fiss e al tirave indenant cun grande fadie, a scjass, ingegnansi a tirâ fûr amancul i bês pai sigares e cualchi tajut cun lavorus saltuaris e i piciui espediens che usavin une volte: mascarades, arcs pai nuvìs…

Une dì al pensà di lâ a cirî alc a imprest là di Leon, ch’al lavorave in ferovie e, ancje se nol navigave tal aur, nol ere mai cence bês, e, savint che le varess vude dure, j domandà:

- Leon, par plasê, prestimi cincent francs, par miezore! Tai torni, garantît, fra miezore!

Ma Leon, che lu cognosseve e che no si fidave de sos promesses, j rispuindé: