Rispiet pes tradisions!

Une volte a Tombe al ere un riscjo vignî a morosâ par chei di di fûr: i giovins dal puest ‘e erin gjelôs de lôr “riserve”, posto che no vevin tanc’ miès par spostasi tai paîs dongje a cjatasi une fantate, e alore ‘e clapadavin i foresc’ par scoragjâ les lôr incursions.

Tai ains sessante, Gjenio Pistulin al vignive a cjatâ Germana Testôr e une dì al à vût le malaugurade idee di sfoti i giovins di Tombe, disint: - Une volte j clapadavis i foresc’. Cumò j podìn vignî a robaus les mules pui bieles e vuatris, sito!

Le sere stesse, Gjenio, tornant a cjase sul tardut, al spacà le cjadene de biciclete par scjampâ di corse: i sivilavin clàs di ogni bande.