Tal gnò paîs al ere un mago che al saveve induvinà tantis robis e al saveve fà àncie ricetis par duc' ì mai.

La fame de so magìe sl ere slargiade come une magle di ueli, un pôc par dut el medio Friul e su pe vâl de Tôr.

Di fieste e' capitavin chês femenutis cence nuje tai pîs, cui mulòz in 't'une man e in che âtre une fete di polente e qualchi pome in

Vuluzade t'un fazzolet. Al pareve che lessin a un perdòn.

E al mago e contavin, une a la volte, les lor passions.

Lui, cence scrupul di sorte, al prescriveve chel o chest decòt dì ierbis e altris pastròz, che no fasevin ne cialt ne frêt, che si capìs.

Intànt lui al veve risòlt el probleme de vite cun poc, sebèn che in chei ains nol ere, tant dificil.

Ma eco, une dì che lis fèminis di un paisùt, di ché bande di Tarcint, ti càpitin cà par rompi le muse, al mago, che lis veve cussì ben cjoltis pal cûl, e ancjmò si ere fat paià cui flocs.

El mago al ere a Messe grande, quant che son rivadis.

-Po ben, lu spetarin culì chel mostro d'imbroòn!... - e' disin dutis insieme, e tal curtîl si sentin cà e là, bruntulànt come trist timp.

Al rìve lui, el mago, e al viôt chel davoi.

Si ferme su le androne e al dîs a di ches fèminis pal lor ben.

Chestist, a viòdilu cun che barbòne lùngie e fisse, c'al semeave un profete, e' tasin un momènt come pauridis.

Intànt el mago al va su di sore sul piûl e al dîs -Fèminis dal diaul, ce vigniso a fà culi? No vedeso che si bagnais... che l'aghe us puarte vie?...

Chês, si cialin a tôr spaventadis e ti viodín nome aghe par dut, che si alzave, si alzave, e lor no podevin mòvisi, no podevin berlà, clamà aiût...

Nome el mago e' vedevin, ma lontàn lontàn, alt, come sun t' une spice di tôr, che ur berlave:

- S'ciampait po mostris, s'ciampait che s' inneais...

E ches pôris fèminis spaventadis, tire, tire sù lis còtulis, fin che les podevin tirà...

Ce tant ànin stât cussì? A lor ur à parût cent ains...

Dut t'un momènt, ches puaretis no viodin pui el mago, ma si viodin lor, cu lis cotulis tiradis su, tal miez dal curtil, sut come une bree, e su le androne une sdrume di int che rideve.

El mago al à continuât a fa e1 so mistîr, i soi striez, le sos magies, i soi pastròz pes malaties.

Se al à fat simpri ben, no si lu sa. Si sa però, che mai pui nissùn al è stât a protestà