Mandi   Ivano

Ivano Floreano al è nassût aì 4 cli novenbar dal 1931 a Buje. Fintrimai dal 1938 al â cjapât, daûr di so mari, le strade pes Gjermanies dulà ch'al lavorave el pari. Lì al è lât a scuele e al ù inparât el todesc. Al è tornât a cjase pe prime volte dal 1945, ae fin de vuere. A Buje al al à fat par doi ains le scuele professionâl e dopo al è lât a vore in tune tipografie.

Dal 1949 al à scugnût tornâ a partî par lâ prin a Turin e dopo in Svuizare. Dal 1956 al è tornât in Gjermanie, dongje Norimberga, e dopo cualchi mês di lavôr in fornâs, dal 1957 al è ientrât come operari ae Grundig. In pôcs agns al à faî cariere fin a ientrâ tal staff dirigenziâl.

Si è maridât cun Ruth dal 1964 e dal 1970 al è vignût a vore, sinpri pe Grundig, a Milan.

Dal 1981 al è passât ae Seleco di Pordenon dulà che si è fermât fin dal 1988 cuant che, lât in pension, al è tornât a Tonbe.

Dal 1991 al jere president dal comitât "Buje e Osôf cuintri l'incuinament" e par un pâr di agns al è ancje stât te Comission Edilizie dal Comun di Buje. Al è mancjât ai 23 di fevrâr di chest an.

No dal Tomât nol jere tancj agns che i cognossevin Ivano. Siguramentri di dopo che al jere tornât a stâ a Tonbe, paîs ch'al à tant amât. Però ancje tal pôc tinp che i vin stât insieme i vin vût mût di cognossilu ben e di gjoldi de so grande umanitât che deve le dimension de so vision dal mont.

Grazie a un percors fat insieme i sin deventâts l'un par che l'altri ponts di riferiment che e vevin gust di confrontasi no nome su les cuestions de zone industriâl ma ancje su le pulitiche e su dutes ches robes, bieles e brutes, che le vite, tal so percors, nus regale. E pensâ che cuant che si sin viodûts pe prime volte, tal fevrâr dal 1990 tal cors di une riunion che i vevin organizât par discori di incuinament in zone indu-striâl, Ivano nus veve frontât cun perplessitât e un pôc di ironie. Al steve in bande, al cjalave e al riduzave. E no si capive ce che al voleve. E nancje no vevin capît ce tant amôr e rispiet pal so paîs al jere in chel ategjament, nì cual ch'al jere el spessôr civîl e le capacitât di inpegno dal omp. Che dopo pôc e son vignudes fûr cun fuarze caraterizant, insieme cun tune notevul cjarie di umanitât, le so naturâl leadership tai confronts de comunitât dulâ che al viveve.

Di chel moment dutes les iniziatives che rivuardavin Tonbe, i Salets e Riul e an vût lui come riferiment: sevi chês spontanees, sevi chês ufiziâls. Chest parceche lui al jere deventât el interlocutôr de int e des Aministrazions, dai grops pulitics e de Aziende sanitarie. Al veve une maniere sclete di tabaiâ cu les Autoritâts, cence pei su le lenghe, e cuant che si leve atôr pai Palaz dal podê (a Udin, a Triest) si moveve cun naturaleze, come se al fos sinpri stât in chês stanzies.

No par chest al jere insolent, al contrari al jere sinpri coret tant che cheste coreteze je stade sinpri ricognossude ancje dai soi "aversaris" fintrimai che cualchidun di lôr al à ancje vût mût di ricori a lui par un aiût.

Cumò i podin dî che Ivano nus mancje. Soredut in tun moment come chel di cumò dulâ che ognun al bade al sô ortut e dal ben public pôc si interesse. Lui invesit al veve fat so cun naturaleze el principi dal 'I care". E propit chest nus à lassât in ereditât, une siore ereditât pe nestre comunitât tal mont di vuè. A no el conpit di no dispierdile.