Denant di un public componût di tancj furlans, Luca Marcuzzo, sindic di Buje al à deponût un vâs di rosis tai pîs dal monument in onôr dai talians vignûts a lavorâ in France.

’E jê stade la statue in granito di Trep Grand ch’e à dade le idée a Daniel Papinutto, President de Associazion France Friul Italie (AFFI), tal cors di une sô permanence in Friûl, di fâ sù un monument in memorie di ducj chei ch’e an bandonât il paîs par lâ a «vuadagnâ la lôr vite» e mantignî la lôr famée.

Cheste statue e jê il simbul dai emigrants di iar e di vuê di ducj i Paîs. ’E rapresente un omp, cul cjâf cuviert di une barete, la camisole strete in vite, ch’al cjale lontan e al ten une valîs cule mantie ledrose come sô uniche ricjece. E ricuarde, par chei ch’e cognossin la storie, lis modestis condizions di cuant ch’e son rivâts.

Il sôl tesaur e jerin lis lôr mans par fâ i modons e i cops des nestris cjasis. Vuê, chescj moments dificii e son nome ricuarts di cui si fevele cun calôr.

’E e esprim l’amôr, il coragjo, la modestie e cul so gjest l’avignî e un salût fraterni a ducj.

Pal so acuist, ’e jê coventade la gjenerositât dal Comun di Domont, de AFFI, des Associazions, des impresis, dai comerciants, dai socis, dai amîs…

Cheste opare ’e jê stade realizade di un scultôr de Val d’Oise, Aristide Patsoglou, artist grec di innòmine internazionâl, nassût tal 1941 e stabilît in France dal 1970.

Traduzion di Egidio Tessaro.