| Sagre grande per screâ il municipi e il centri storic di S. Scjefin a cure di Rita Covasso Comino |
|
| Sagre grande per screâ il municipi e il centri storic di S. Scjefin a cure di Rita Covasso Comino |
|
| Dopo tanc' ains di lavôrs, di sudôrs e di ràbiis, chest'an a S. Scjefin, cun tune grande sagre, Buje e' à inaugurât il sô municipi e il sô centri storic. La int ch'a vignive di difûr a' restave smaraveade tal viodi dut chel sflandôr. Al semeave di sei a Lignan o a Grau in plen astât! Ogni sere, lant a fâ une cjaminade, e lassant la television studade a cjase, si podeve gjoldi la biele musiche, il biel balet, lis bielis cjantis, i biei quadris, lis bielis statuis e par contentece di dut chel ben di Diu, in tanc' a' batevin lis mans al lusôr de lune, in place denant dal domo. Lis frazions di Buje e lis sôs sociazions a' jerin clamadis a chel apontament in compagnie di int ch'a vignive di lontan. Cui sul palco a lavorâ e cui su lis cjadreis a bati lis mans a' erin contenz di stâ tra i murs di S. Scjefin ch'a fasevin eco di chês notis di gjonde. Qualchi bujat, però, al à vùt cûr di domandâ: "Cemût jse che si fasin i fucs artificiai in setembar a S. Scjefin?" Ven a stâj alore che no duc' a' savevin di chestis bielis robis ch'a podevin viodi dongje cjase, ancje se i murs dal lôr paîs a' jerin sfodrâz di manifesc' pe ocasion! Par dâ une ocasion in plui a chei che par un motîf o par un altri no jerin a S. Scjefin in cheste sierade, e par capî miôr cemût ch'e àn lavorât in chel periodo i nestris governanz, 'o soi lade di lôr a cjapâ sù i documenz e lis intervistis culì a ret. |
