| Mistîrs vieris a Buje il fari di Rita Covasso e Egidio Tessaro |
|
| Mistîrs vieris a Buje il fari di Rita Covasso e Egidio Tessaro |
|
| A Buje a' son pôs i artesans che in dì di vuê a' lavòrin il fiêr a la vecje maniere: Agnul Briant di San Florean ch'al puarte indenant la tradizio ni di famee, come che si po' viodi dal marc di famee ripuartât sul Catapàn. Ciro e Gjno Martinis in te farie fate su dal pari Umberto Primo in tal 1921 a Ursinins Grant. A Tombe al è un borg ch'al cjape il non di chest mistîr par vie che duc' i omps, timp indaûr, a' fasevin chest lavôr. L'ultin fari che ancjemò al bat il fiêr a vecjo vie al è Bepi Batafiêr. Bepi al conte che dal 1920 l'ENEL, par fâ funzionâ la gnove centrâl eletriche "La Savorgnane", 'e giavà l'aghe dal Orzelât. Il mai vieri di dusint'agn si fermà e podopo dut al fo fat funzionâ a eletric. Bepi, cun so fî Sandrìn, di quant in quant al met in moto la viere fusine, e cussì antigs rumôrs e vieris sflandôrs a' lùsin tal scûr de fornâs. Cun infumâz impresc' e pazienze certosine al pache, al volte, al stuarz il fiêr come i soi vons. Quant ch'al lavore in cheste fate, lis oris a' svuèlin e no si pò contâlis. |
