Globalizaztion o autarchie

Cjalant le foto chi parsôre, a chêi che àn qualchi cjevêli blanc ur è sigûr tornade tal cjâf le Buje di prin dal taramot, quant che l'agriculture 'e veve ancjemò un grant pês te societât e te economie locâl. Gjavâz câs particolârs, cheste 'e jêre le realtât di dut el Friûl.

S'e jè vêre che zà dai àins sessante in ca, lentamentri, el Friûl si stave industrializant, al è stât po dome cul volano economic che le ricostruzion 'e à produsût che si è vût el vêr svilup di cheste cjere. Svilup! Come dutes les medaes, ancje chê dal svilup 'e à el so lodrôs: chei àins si lave a cjoli el lat te latarie, si cueéve cule spongje (o cul ônt... ), i ûs si compràvin pes cjases, le cjâr (pal pui polèz e cunins) si saveve di dulà che vignive.

Chest al êre quasi dut. Cumò "bocje ce ûstu": mega centros comerciâi o negozis pi?ui, di paîs, 'e àn ogni ben di Diu, di divignince dai pui lontans cjantons dal mont. E, cui pui cui mancul, duc' j' vin a cjase no dome ce ch'al serf, ma ben di pui; cun tante strassarie. Però, scopules di chesc' dîs, j' scuviergìn che cu le stesse comoditât-facilitât, ancje les rognes-pestilenzes di ogni part dal mont nus puedin capitâ su le puarte di cjase; cumò j' viodìn contrôi aes doganes, tichetes obligatories cu le origine dai prodoz, voe di savê ce ch'j mangjn. Ma bàstial? Sino tranquii?