Le nestre Glesie

Mûrs di clap restâs su par meracul,

imbombâs di prejeres e d'incens, 

un altâr un tabernacul, 

tanc' ricuars di tignî a mens.

Chì le fede si misture cun nô 

che di ridi e vaî plens i vôi 

i' vìn vût e i' varìn ancjmò, 

ma chi dentri a' no sin di bessôi.

Chês curnîs, chel altâr e chei clàss 

e tabain di Lôr, 

di Fede e di fass, 

di miserie e di onôr.

E ancje nô plens di marùm 

ogni volte ch'o jentrin a preâ 

'o metin une piere tal grump 

une piere che restarà