Tu sês sposade te gleseute
ch'o ai simpri tal gno cûr
parcè ch'o sai ce ch'al è dentri
e ce ch'al è ancje difûr.

O ricuardi che gno Pari
le puarte al à fat fâ
simpri cu le sperance
di tornâle a regolâ.

Cuatri lantes e à le puarte
par che sei comoditât
Chei che jentrin van in glesie
chei che jessin van tal prât.

Doi balcons son te façade
un andi è di cà e di là
e jo cheste gleseute
no le puès dismenteâ.

Dentri de puarte al è un bussul
e pui in sù un seglarut.
Jo ti ai dite, satu Gjizie,
ch'i ricuardi imò dut.

Pui in sù tal mieç
al è un scjalin
e di fûr une scjalinade
che tantes voltes i ai stât sentade.

Jo i cjali che cjampanute
che eàn tornade a meti sù
per no lassâle bessole
àn metude une pui in sù.

Ce biel sintî chês cjampanines
che a sunin ducj i dîs
Jo o crôt che Andreuzze
vei mieç un paradîs.

Jo i cjali chês cjampanutes
e les torni a cjalâ
Mi pâr tantes voltes
fin culì sintî sunâ.

Egizie ti saludi
no mi dismentearai di te
e cuant che tu vâs a messe
ricuarditi di me.