………Il cûr al bat cence savê di bati,
Il sanc al côr cence savê di côri.
‘E viôt la ment, co i vôi di lûš ‘e muèrin.
E a cedarès pur jê, ma Diu le ingnerve.
Visibil e invisìbil tu sostegnis,
il reâl che si plate e che si mostre.
No ti fâs ambre dinissun misteri.
No ti spavente il vueit de cognossince,
Avonde al è sintîsi amâz e amà,
Par chest tu sês nassût, par chest tu vivis.
Par chest tu vivarâs di là dai secui,
Fusion e distinzion di beatitùdin.
Tu sês l’aquile e il cîl, la rive e il mâr,
il peš e il flum, il nît e la sisile,
il cjavrûl e la mont, l’om e la tiere.
E anime tes animes ch’e slendin.
Da «Tes animes ch’e splendin» - di Domenico Zannier