..........Dut sôl il cjan al è, di muart paron.
Tasint ti fisse come a dî: «Quant tòrnial?»
'E vai tai lustris vôi malincunie.
Al à baulât la gnot de vite frante
che si sintive a pierdi afiet e pan.
Laràjal tun cjanîl? Lu varà un omp?
No pos menâlu a cjase ch'o ài cent gjaz
e un porton mai sierât a fîl di strade.
E il cûr mi dûl a viòdilu di vuàrfin.
I fâs puartâ di femine il panprendi.
Ch'al mangji intant, in face al avignî...........