Pal lavadôr di San Florean
tornât di sest
di Domenico Zannier
Benedet il lavadôr, mont e net, che l'aghe al spant! Testemoni di sudôr risurît lu vin devant. Tal Votcent al è vignût a insedâsi su la roe. Al è stât di grant ajût par lavâ di buine voe. Tanc' pečoz al à scoltât di ches femines a vôre. Mai nissun al à inneât. L'aquidot no j à fat pôre. E tra glesie e latarie il paîs al à fat vîf. No mancjavin la ligrie e un lamput di amôr furtîf. Si purgave ancje il cunin e cul gnèur e cul purcit. Si netave ancje il frutin, Se j colave qualchi sbit. Ma par solit granc' linsûi e vistîz e blancjarie, biel cjantant i rusignui, 'e finivin in lissìe. Benedet il lavadôr cun savôr di fogolâr! Benedet ancje l'amôr, quanche in flôr al è il pomâr! E pal biel San Florean aghe monde par dut l'an Meni Domenico Zannier San Florean di Buje |