P E R S O N E di Domenico Zanier | Poesia INEDITA |
Cence il divin l'uman nol è persone, se no come aburdît concepiment. Ch'al našsì dentri al om o florint fûr tes venes a jentrâj pôc al impuarte, La sô costituzion ch'è sei 'o crôt. Il riul al è parceche al naš par aghe. Ma Diu adorât al va, salvant l'uman e so intelet, reson e libertât: nâf no tu brusis par sbarcjâ a la rive. Nassût divin jo 'o soi, divin o mûr, qualche une crôs 'e à distudât un Diu. Ma po 'e sarà compagn Risurezion, l'aquile liberade a jongi monz. La gracie no vistìs âtre nature, Pavèes e flôrs 'e van par âtres mudes. E dulinciôs i gjaz 'e àn vôi di sere come les steles, dubi avint di cîl. Gracie 'e jè in dut e benedî celest. Di fressures di lûs e clucs d'amôr fate 'e jè vite fin al cjalis plen che in taule al mont nol è fûr che in suspîr. Felicitât a scleses al è il gjoldi, a pur il patiment ti ponte a scjeles. Al vierse Diu il so vin tal nestri jessi, qualche i vidìz ae vît 'e son tornâz.
4 di avrîl 2005 Ciasesole di Majan (UD) |