1 Quanche i agnui 'e flurìvin
in tal cûr dal Paradîs,
fin les steles 'e nulìvin,
trimulant te vèe dai dîs.
2 'E cjalavin i profetes
dal balcon un timp lontan.
No podèvin cori ètes
cence vê un travuart uman.
3 Ma divin al ere il pont
di ogni sium dal avignî.
Cence Pari al ere il mont,
vignût vuàrfin di murî.
4 Duc' i secui e preàvin
une pas, une armonie.
E i umans plui no cjatàvin
che dolôr par ogni vie.
5 Si stacà dal Cîl un agnul
cu les ales di lusôr
Al detà a une frute il cjànul
gnûf di vite dal Signôr.
6 E ubidì dongele clare
al so còmpit di creature,
cussì biele e cussì cjare
fin ch'e fo la floridure.
7 Diu tal mont in cjâr umane
al gemeve in tune cune.
'E finive la montane
e la gnot plui no si imbrune.
8 Crist, Sorêli, al è nassut
a sclarî la nestre vite.
E nus puarte la salût,
che i profetes e àn predite.
9 Cumò i agnui dal Celest
'e son dentri il cûr dal mont.
L'Infinît al à un gnûf test.
L'omp al è rivât al pont.
10 E les steles trimulant
di confuart e scrèin un plant.