‘E contin che tant timp fa Buje ‘e jere in uere cuintri Udin. Le robe e lave indenant di un pieç cence ni vins ni vincitors e le int ‘e jere stufe.

El sindìc di Buje alore al cjapà une decision storiche: al convocà in sedude straordenarie el consei par viodi insieme di tirâ fûr une solusion par finî ae svelte, in maniere definitive e vitoriose che uere stufadice.

El consei al cjapà a cûr el problema e, finalmentri, dopo tantes, lungjes discussions al deliberà dut unît di fabricâ un grant canon e cun chel di distrugi le sitât nemie.

I operaios dal Comun si meterin di uce buine, tirarin fûr tal bosc di Mont el cjastenâr pui pasût c'al jere e cun chel 'e fabricarin le cane di un canon che nissun a'n veve mai viodûs cussì granç. El canon, perecjât a regule d'art al fo colocât sul pont pui alt de culine di Mont (dongje le crôs monumentâl di uè, 'e disin i storics dal puest), e, naturalmentri, pontât cuintri le odeose sitât. Une domenie, dopo mese grande, dute le int dal Comun si riunì lassù par assistî al grand aveniment de scree dal canon e, si capìs, ae distrusion di Udin.

El Sindic, circondât de zonte e dai conseirs, cu le fase di prin sitadin di Buje a ret de panse, apene che le bande ‘e tasè, dut orgogliôs al cjapà le torce che j pasà un operaio premurôs e le visinà ae micie dal canon ben cjamât par dâ el colp di gracie ai Udinês.

No si sà ben parcè, ma el canon al scopià cun t'un grant fracàs terificant...

Le int e restà tramortide, plene di botes e di spavent...

El Sindic, restât in mudandes, neri di paches e infrusignât tant che un fari, viodint chel macelo, alore al berghelà: