| Falìvis di Maria Forte |
1973 |
| Falìvis di Maria Forte |
1973 |
| 1
« Sint mo, tù, Pieri; e ancje tù, Meni: vîno di lassâsi propit come cjans? » dissàl Tin Carìe ai amîs, dopo tre dîs passâz cun lôr dentri e fûr pes ostarìis. «No îsal di just ch'o ledin a bevi un tajut insieme? ».
2
«'E je une fadie mostre a stâ a cjalâ chei ch'a lavòrin» dissàl Romeo Crus. «'O scuen propit lâ a bevi un taj».
3
«Il cjaval che plui mi plâs» al diseve Tilio de Zuete «al è chel ch'al è su la frascje da l'ostarie dal Cavalet».
4
Tal passâsi il bocâl di un al altri te sagre di San Sal-vadôr, Meni Piz al cjatà tal vin une moscje. La cjapà cun dute delicatezze, al mandà jù dôs lungjs glutidis e po al tornà a meti dentri la besteute. «Parcè astu fat cussì?» j domandà Pieri Cjargnel. «Al pò simpri plasêj a qualchidun... ». |
