A' disevin ch'al lave vie di cjâf e lu clamavin il Mat di Cost, ma vadì al jere plui svelt di chei ch'a disevin cussì.
Al veve butât jù la tònie par maridâsi.
Une zornade al cjatà da dî cul plevan, fûr de canòniche viere di San Scjefin, e de sô bocje a' jesserin peraulis di sgrisulâsi.
La int (al jere marcjât) s'e svuincà ce par ca e ce par là, par no fâ di testemoni. Dome un cjalderâr di Glemone, ch'al veve slargjade la sô marcanzie colôr d'àur alì dongje, al scugnì restâ a scoltâ dut.
II plevan si vizzinà: ? Bon omp, vêso sintût ce ch'al à vût cûr di dîmi chel paron là? ? Si, siôr. ?
— Alore 'o vignarês di testimoni in Preture. ?
— Siôr sì. ?
La zornade dal dibatiment il Mat al clamà cun sê doi amîs parvie ? dissàl ? che nol veve coragjo di lâ dibessôl.
Rivât a Glemone, al jentrà te buteghe scure di chel cjalderâr e al scomenzà a cirî une cjaldèrie di
ram. La cjatà dal moment e la pojà sul so cjâf come un cjapiel. La muse j jesseve fûr, dai vôi in jù.
— Paron ? al dîs ? la mê femine 'e ûl ch'o j compri une cjaldèrie che no séi plui grande dal gno cjâf, e cheste 'e lares une cane. Trop còstije? ?
Tant e tant.
— Ben; se no us displâs jo 'o vignares a pajâle uê vot senze fal. Sêso content? ?
— Ah, chest nò ? j rispuint il cjalderâr. ? Jo no us cognos. S'o mi pajais daûrman, bon; se no, tornait a mètile tal so puest! ?
II Mat al poe la cjaldèrie e al salte-fûr de buteghe cui siei amîs.
Rivât in Preture j dìsin ch'al jere imputât di chest e di chest. Al veve ditis peraulis ch'a vevin ufindût une vore il plevan.
— Jo brutis peraulis al siôr plevan! ? dissàl lui pojant la sô manone sul stomi. ? Nancje par impens! ?
— Come no! Qui ce il teste che ha sentito tutto ? dissàl il Pretôr clamant dongje il cjalderâr ch'al jere rivât juste in chel moment.
— Cemût, siôr? Chel galantom alì nol dîs la vere-tât. Isal vêr Toni? E tù, Sef? Ajal dit za miez'ore, chel lì, che lui no mi cognos par nie?