Bisugne savè adatàsi...

Anute dal Ros dongie so pari prime, vecio e malandat, po dopo dongie so mari che, plene di pecis, a si ere inveciade cence cognosci el mont, a la buine; e veve ancie pierdude qualchi cumbinasion di matrìmoni par stà dongie dai siei vecios: «El Signor ti benedirà, fruté...» i diseve so mari.

E quant che la biade vecie e iè lade cun Diu, Anute e pensave di là muinie... Poarete, no saveve che par là muinie bisugne iessi zovine e sane: « No sastu che puedin dite cussì: là che tu as puartade la flor puarte ancie le semule...» i dise une parint plui vecie di iè.

Tal pais al ere un vedranot, zà madur, plen di bes e di robe che i veve muarte la masarie pos dis dopo de mari di Anute e cumò si cirive une femine ansianote, cence pretesis, che i ves fat el iet e s'cialdade la mignestre.

« Chell al'è un partit par tè... — e soflave la parint — tu as le vite sicurade cence fastidis di sorte».

E Anute che no veve mai vudis pretesis in te vite e acetà di là a servì il vedran.

Dopo vot dis Anute e torne de so conseerie e i disè: « Se o vedesis vo ce tant che al bef chel mostacin!... a binore si alze e iù in cantine a trai tal bocâl grant e iù fin che and'è... nol'è trist lui... ma dut al' dì che puce di vin mi fas zirà el stomi... No si al di podè fai calmbià sisteme?!...».

Anute e la vecie si metin d'acordo di fà piturà in fons dal bocal un diaul cui cuars: « Cuissà — e pensin lor — che no i vegni pore e ai cambi vele ...».

Nancie par nie! Apene che al viot chel diaulin el vedran al ferme di bevi e al dis: «Uh... ce brut che tu ses... non ti lassi un got nancie a murì...».

Anute, platade daur une colone de cantine, e restà di clap e po dopo e cor de comari a dii cemut che ere lade la facende.

Che e pense un moment e dopo e dis: «Fasiingi un agnulin tal bocal... ».

Tal doman el vedran iù lui a binore in te cantine ancimò diziun e fur vin a spandi e po a dos mans al puarte el bocal a la bocie arse e glot che ti glot fin che al spuntà in fons el ciavut di un biel agnul rizot, cun doi vogluz color dal cil.

«Oh!... ninin che tu ses tu!... Ciar... no isal peciat a lasati mo inì'neà tal vin?...». E iù al scole a plene gose el bocal!

Anute e torne de vecie parint par contai ancie chel esperiment lat a clas; fra prove e cuintri prove al'ere passat plui di un mes bielzà.

Le vecie, plui furbe di Anute e domande: « Sint po, ti fasial ancimò mal l'odor di vin?...».

«O comenzi a usami saveso...» e dis Anute.

«Po ben — e conclud le vecie — e disin che ancie ciadaldiaul si dopo vot dis... dopo dut l'odor dal vin nol cope... tu ti usaras ancie a chel, bisugne adatasi in chest mont... e lasse che el vedran al bevi... tu fas el to fat...».