Une zornade un cristian si cjate a jessí in montagne eu la barbe lungje. A la parone di cjase al domande se in chel paîs, platât sot di une crete, si podeve ciatâ un barbîr. 'Orpo e fûr! Indulà cro-devial di jessi? Sì che al ere un barbír ancje lassù. E j dà i ienfri-sègnos par cjatâlu.

Chel al s'invie e al viôt une tabele cu la indicazion precise: Barbiere. Al ientre par un puarton e si cjate in t'un curtìl. dulà che no è anime vive: al clame, e ti viôt 'a vigni dongje un omenon cun t'un pâr di mans fatis apueste par sclapâ pieris e cu lis dàl-minis tai pîs:

— Ce vuelial, lui ? — j domande.

— Isal culì el barbîr, par plasê ?

— 'O soi jò chel...

Ce vevial di fâ chel biadin?

— Alore fasèimi la barbe... — al dîs.

El montagnûl lu mene vie ta l'arie e lu fâs sentâ sul tamon dal cjâr, j met 'tôr dal cuel une canavace che no si capive di ce colôr che ere stade, po' al cjol te buse de strìghie dai nemai un toc di savon di lavâ, al dà une biele spudade parsore e po' al sco-mence la... savonade.

El forest che al veve el pêl dret, al smurmujà:

— Madocule ! E ce sisteme!

— Parvie ? — al domande el barbîr.

— Di spudâ sul savon... e po' sfreolâmi la muse...

— Si lamente lui ? — al dîs el « figaro » — e si che j âi usât dut el rispiet, parvìe che al ê forest. Ai paisans si spude su le muse e po' si savone...