|
1946 n°1-6 |
| Cumò si che va ben di contà di Pietro Menis |
|
1946 n°1-6 |
| Cumò si che va ben di contà di Pietro Menis |
| La mari si svee e cidine cidine si jeve metìnsi in scolte donge el balcòn de strade. El cûr 'i bat come se al olès jesci dal stomi; 'e treme di frêt. Al è ancemò scûr come in bocie e no si sint anime vive. Epûr al dovarès iesi alc di fûr... forsi lis animis dal purgatori la vevin clatuade par sveâle... cui sa ce ore che jere... Laju, cumò, al è un cian che al bae. Biel planc 'e vierc' i veris dal balcòn, e tra i scûrs mitûs in cop 'e ciale... No podeve sbaliâsi, no si ere mai sbaliade: 'e veve sintût alc... come un pas suspièt.... Velu, velu! Un om intabarossât al vignive su planc plauchin sot de linde de so ciase. La pore mari 'e viôt subite un ristielamènt... Te ciamare donge al duar so fì, finalmentri, par une gnot almàncul tal so jet. Qualchidùn lu varà denunziât e cvunò 'e vegnin a ciolilu par puartâlu vie, cui sa mai indulà, a murî di patimèns e fan... qualehi dì prime àn vevin puartâs vie tredis di Ursinìns... La biade fèmine 'e vierc' le puarte de ciamare e — tremànt di frêt e di pôre 'e svee chel puar fantàt, e sbassansi a tocialu cu le so muse lu clame: « Sù, svelt, son i todescs a cirîti... s'ciampe ». El partigiàn al pete un salt fûr dal jet e a scûr, in t'un lamp al si viest. Chel dernoni alì sot al leve simpri su e ju. El fi al ciape sù el rnitra, e le mari lu ferme: « Nò, cui sa ce tanc' che son cà intòr. No sta puartâ el mitra, no uei viodi sanc... ti coparessin come un ciàn... nus brusaràn la ciase... nus puartaràn vie... Alore, eco, lui lu varès spietât, chel muk, c'al vegni a tir sot el balcòn dal ciast, e ju, i varès butât ju chel bombo di clap che al veve pareciât là sù, e 1u varès copât che nol sarès rivât nance a dî un Jesus.. Ma le mari lu sburtave fûr, de bande de braide, dulà che no si viodeve nissun, e che Diu lu uardi... El muk te strade al cialave in su... al veve sintût a cisicâ... cumò al varès dât l''alarme a di chei altris platâs di sigûr dut intôr.... El frutàt al cor ju, al passe el murùt dal ort, e giambis puartàimi, al fui pe campagne indurmidide, sblanciade di zilugne, frede e cidine. Dapît di une morarade al salte un canàl, al svee un trop di pàssaris che s'ciampin spaventadis.... le ciampane di une glesie si met a sunâ.... in Andreuce al baiave un cian.... Prin che al jevi el soreli, strac come un mùs al è rivât a Colorêt. Cui sa intànt ce che al ere sucedût in tal so paîs, a ciase so!... Forsi, par lui, 'e vevin ciapade so mari... forsi so sûr o so pari, o magari duc'.... a di ché ore forsi 'e ciariavin le lôr robe... cui sa mai se so mari 'e veve platât el mitra... Diu nus uardi se lu ciatavin.... 'e sarès le muart... In ché matine. in ciase, 'e vevin di fâ la fieste al purcìt. El purcitàr, biât omp si ere sveât masse adore, e cence cialâ ce ore che jere, si ere mitût, ciaminànt sù e ju, a spietâ che qualchidun al jevàs a fâ boli l'aghe par spelâ la bestie. |
