| Tra comaris
di Pietro Menis |
1973 |
| Tra comaris
di Pietro Menis |
1973 |
|
Comari Marie e comari Catine si cjàtin, dopo tant timp che no si viodevin. «Cemût, comari? simpri ben?» j domande Marie a Catine. «Cussì... Al è un an ch'o soi vèdue... ». «Oh! E ce âl vût chel puar omp?». «Masse bevi, comari; simpri il butilion sot il nâs! Ma dimi, Marie, il to omp, bèvial ancjemò?». «Cumò al fâs la cure, une cure ordenade dal miedi». «E ce fàsial, comari Marie?» j domande la vèdue. «Sint, mo. Il miedi j à dit di stâ lontan dal vin, e alore jo j jempli la tazze sul cjanton de taule e, dopo, j 'e sburti dongje. Une setemane indaûr al è lât 'e visite di controlo, e il professor j à impruibît di viodi il vin, e alore, sastu cemût ch'al fâs? Al va dret te cantine, e cu la gome al bêf tal caratel... ». |
