Tinut e Iuchin, doi bogns amîs, dopo no sai cetanc'agns si cjàtin in zitât: íiestonis, salûs, bussadis, strentis di man e: — Ce-mût cussi, e cemût culà ? — E dopo, che si sà, dentri ta l'ostarie a bevi insieme, 'orpo da l'ostrighe! — Dopo tant timp!... La ultime baracade la vevin fate el dì che si erin congedâs, dal 1919!...

— No podìn mico lassâsi cence bevi un gôt insieme ! — al dîs Tinut.

— Nancje par idee!

Ma lôr no ti àn contâs i gôts e nancje lis tacis che son ladis iù pal gargat; e àn bivût fin che ur è vignude la fumate. E cui isal che nol sa che dopo la fumate 'e ven la ploe?

Al ven a stai che Tinut, dopo un pôc, e in vene di confidensis, si met a vaiuzzâ.

— Po' ce ti passial partraviars cumò? — j domande Iuchìn.

— 'O ài alc che no mi va jù! Quant che mi impensi... No soi content par nuje eco ce ch'o ài... e par dîtal a tì in confidense... t'al dîs: 'o ai la femine che jê pôc di bon!

Iuchìn si met a ridi come un mat; Tinut, deventât ros come un pitinìz spelât, lu cjalave imbambinît cence savê ce dî ne ce fâ; al sares lât sot tiare, biadàt. Quant che al à finît di ridi chel diaûl ce no disial?

— E tu vadis a piàrdití par cussi pôc?! Cjâr tu: matetâs che pàssin chês! La mê viodistu e jê une disgracie che mi tocje puartale fin che vîf che crodie di femenate che 'o ài!

— Ce isal po' Iuchin? — al domande Tinut quasi consolât

— Po' no astu capît basoâl? La mê femine si incjoche . Si in-cjoche' E fin che no mûr chel mâl np j passe...