Une volte, dal Friul e vignivin fin ca sa oms a taià el bosc, e po cu lis zatis, puartavin iù pe But, i lens.

Un àn and' ere un trop di ches'c furlans vígnus su da la basse. E taiavin su di che bande dí Fielis lavorant dut al dì cence padìn. E partivin a binore, e'l gustà lu puartavin cun lor, cui in sporte e cui tal fazolet, picianla su par un len o poianlu in t'ime cise.

Cusì une dì un om al ciate te sporte une brute magne nere e tacolade di fa pore. «Copile, copile» i sberlarin i soi amis, ma lui al disè: «Ce oleso fa, e à di vivi ancie iè pore bestie». E le lasse la vie.

Finit che àn di taià, chei oms e' ciariin lis zatis, po e molin l'aghe che vevin fermade quasi dongie Judri e ti partissin iù cu l'aghe.

Cui si impensavial pui de magne!

Quant che rivarin visin di un pais su l'òr dal flum ère une femine ferme e a di chel om de magne i dîs : « Vignit ca vo paron, fermait le uestre zate; vo mi vês salvade la vite. Che magne che ere te sporte la su in Ciargne, 'o eri io. Tornavi de mont de Tence dulà c'o eri stade a balà, e a intindimi cu lis mes sûrs di Giarmanie e dal Friul... Ma al è vignut tart e lis ciampanis e sunarin dì, e alore o ai dovut fermami e deventà cussì.

'0 eri strache e o vevi fan quant che vo mi ves ciatade. Se vo o vesis copade che magne io o sares muarte...

E chel om al è partit cu la zate plene di forment, blave, bes e atre robe, che i veve dade che femine. — Vedeso, e dis che femine di Âvosac, le zoventut di uè no crôt e rit di no vecios, e pur alc al à di sei stat.