Minùsiis

Diane, tra il non ch'e veve («storic» 'e diseve jê), e ce ch'e lejeve, venastâj «Intimità» e «Grand Hotel», no vo. leve passâ par une qualunche. «I miei fruz no àn di fe. velâ furlan... e' àn di comenzâ di pìzzui a fevelâ ben il talian».

Une dì che jo 'o passavi denant de sô cjase, il frutìt di Diane al jere a zujâ tal curtîl.

«Ce fastu di biel? » j domandi; e lui nol rispuint; straneôs mi cjalave di sot in sù.

«Dîmi, alore, ce astu non? ».

Nuje di fâ.

«No tu mi disis cemût che tu ti clamis? ».

Alore Diane si fâs su la puarte de cusine e:

« Sù mo Nini, dille... dille al siôr... cosa ai nome... ».

Lino, puestin di Vile, al scugnive vignî a cjòlisi la pueste a San Stiefin, tal capolûc. Doi bogn chilometros a pît ogni dì dal an, ancje la fieste.

Une volte no jerin lis comoditâz di uê, e cussì al jere

simpri qualchidun ch'al veve bisugne di domandâj un plasê.

«Lino mi cjòlistu cussì... Lino viòdimi culà... ».

Une dì un omp di Saquel, là che il puestin al passave par fâle plui curte, j domande:

«Lino mi cjòlistu il Gaze-tin? ».

«Po sì ch'o tal cjôl».

Dopo dôs oris, tornant indaûr, al fâs par dâj il gior-nâl, ma chel j dis:

«'Orpo... il Berto al è stât a San Stiefin in biciclete e m'al soi fat puartâ di lui... ».

«Poben» al dîs il puestin; e al va vie pai siei faz.

Dopo un mês, simpri chel omp di Saquel:

«Lino, par plasê, mi cjòlistu il Gazetin?».

«Po no ustu copari! ».

Tornant, Lino j puarte il gjornâl. Chel j al pae, e buine gnot.

Tal doman l'amigo al jere a spietâ il puestin su la puarte di cjase.

«Lino... cemût îse stade?... Il gjornâl di îr al è vecjo di setemanis... ».

E Lino cun muse rote j rispuint: