Pascute

Pascute 'e jere un biât stupinot, oenoe ciâf e oenoe sest. Di pizzule 'e veve vude la meningite. No ere buine dl fevelâ, ma 'è capive e si faseve capî dut; in cjase certis robis no si podeve fevelâlis se no dute le borgade lu saveve.

Fin eh'e jere frute le vevin lassade zuiâ tal curtìl, balonansi tal savalon cu lis gjalinis e cui cunìns. Po' quanch'e ere strache s'iadurmidive tal soreli o daûr de mede dai fassùs, qualchi volte ta l'arie sòt de musse di stranc.

Une volte so pari le veve gjavade miege muarte de buse dal ledàn plene di aghe dulà che ere colade par cori daûr a di une rasse.

Deventade grande, so mâri e sôs sûrs erin rivadis a insegnaj a gugjâ e alore ti passave oris e oris in chê ocupaziòn, soflant plui che mormorant chest motîf che nol cambiave ;mai: « Io-lin-là-lalìn-lalele-uhm-e-ee-uhm-e-aa...».

Se le fasevin inrabiâ 'e butave vie dut ce ch'e veve tes mans e po' 'e coreve su in cjamare come une bestie feride, si sierave dentri e li 'e stave par oris sentade sul jet, cjalant el mûr cence bati voli. Quanche po' si stufave di stâ cussì, si meteve a ridi a ridi e di bot, come une frece, 'e faseve man blancje di dut ce ch'e cjatave di mangjâ te panarie e te cantine s'e cjatave viert.

S'al capitave il Plevan a dî Messe te gleseute bisugnave stâ atens parceche Pascute lu cjapave a clapadis.

Dopo seâs i prâs, tôr dai ultins di lui, da qualchi an le mandavin a passòn cu lis vacjs e i agnêi te Selve o tal Pascàt. Al jere chel el timp plui biel par Pascute; 'e gugjave sì, ma plui di dut si divertive a côri, a saltâ daûr des bestiis quanch'e levin fûr des cisis che sieravin el lôr prât; si torombolave ju pai rivài oome un sac di semule, 'e faseve cjasutis di fràs'cjs, 'e slapagnave tal rìul cui pîs e cu lis mans.

Quanche so mari 'e ere sul pont di murî 'e disè al, so omp; « No tni displâs nuje a lâ cun Diu... ma chê frute ... chê pore diaule ... Viôt di jè... Promètimal, se nò no mûr contente ..'.».

Chel omp al veve prometût e po' a] veve mantignude le promesse fate ae so muarte. Pascute 'e à continuât a durmî in te cjamare cun lui e si po' dì che no j è mancjât mai nuje; e' disin che le vès ancje petenade lui, pôr omp, dopo lade a marît le ultime fje.

Chesc' fastidis al vecjo j son stâs sparagnâs nome quanch'e jè vignude in cjase une brût, une buine fantate, tant cristiane e di sest «Cemût jentrâ in-t-une cjase cussì? Al ûl bon stomi... » 'e diseve le int. E chê 'e rispuindeve: « Dal destìn no si s'cjampe... e po' ce che si fâs vulintîr nol pese ... ».

Un an Pascute, 'e podeve vê sì e nò trent'ains, atôr dal mês di setembar? dopo une buine dade di ligrie mate che no si capive parcè, 'e comenzà a clopâ; no mangjave vulintîr, cence savê parcè si meteve a vaî, qualchi volte a urlâ come se j tiràssin i cjavei; une volte se no son svels ti s'cjafoe el frutìn di so cugnade lassât in cjase te so cjadreute.

« Ce àe di vê chê frute?...» al domandave el vecjo.

« Ma, pari, no stà ben... j passarà ... ».

Di lì a qualchi mês el vecjo al jevâ prin da' solit e a so brût apene jentrade in cjase j disè: « E à gemût dute le gnot chê lassù... Víôt ce che j covente, jo 'o voi vie».

Al veve la vôs dure el vecjo, cotne che no le veve mai vude cun jè. Le femine 'e lasse colâ te cinise el fuminant apene inpiât e dal barcòn de cusine viers el curtîl le berghele:

« Dulà jus puàrtio di gustâ, pari?!».

« No stâ pensâ par me tu...» al rispuint el vecjo lant fûr pal puartòn di spals cun-t-un vulùz sot el braz.

« Mari de capiose, ce robis!...».

Le brût 'e va sù a dalt e subìt dopo e torne ]Ù platansi le muse tes mans.

«Ce sucedial cà?...». Denant di jè 'e stave Filisse di Jacume, le femine che in tal borc 'e faseve di comari. «Mi à mandade culì el vecjo...».

In pôc timp dutis lis feminis 'e erin 't-un businament. Sot i puartis, sui barcòns, tal poz di lavâ, lajù de fontane dapît dal borc.

« Cui podèvial jessi chel mostro che si è impazzât cun Pascute?.. ».

Lu àn savût vie pe sierade, quanche su le Selve erin za coladis lis fueis dai cjestenârs.

Une sclopetade j veve parât fûr un voli e rovinade le muse a di chel cjazzadôr, cence Diu e cence regno ch'al praticave ches bandis e ju pai palûs a dutis lis oris de mari sornade. Al vignive de mont — cussì e' disevin — cul sò cjanàt di pêl rôs come le sò barbone... al veve doi voglàs neris come le gnòt e plens di fuc...