| Un câs pietôs
di Pietro Menis |
1955 |
|
Une dì si presente in municipi un puar omp e al sindic i conte le so storie: J ere muarte le femine lassangi un canai di pô mês, blanc e ros come un sclopon e lui biât nol saveve cemût fa, che el siôr sindic lu judás in qualchi maniere... no i varés displasût se el frutin lu véssin mandât a Udin, lá che mandin i uarfins. El sindic che a l'ere cence segretari i disé di tornà l'indoman che i varés intant preparade le compagnatorie pal Brefotrofìo. — Par uê veit pazienze, faseigi dá al canai un got di lat di qualchi femine vicine: nissune us disará di no... Lussie di Tin mi par che vedi une biele latarie, e ancimò e jé di cûr: un got su un got jú... L'indoman el vedul al torne in municipi dulà che el sindic i da cheste letare par presentà a Udin el frutin: «Illustrissimo Signor Presidente, le accludo in questa mia un bambino latiginoso perchè essendogli morta la madre ed il padre non potendolo alattare V. S. si compiaccia riceverlo in codesto Pio Luogo». |
