Adio sopis!...

Une volte. e mi ricuardi àncie jo, tai paîs lis ciasis 'e erin plenis di înt, màssime di frùz, come bôz di âs. Fin che al ere vîf el vècio no si dividevin, fòssino stâs magari in cinquante in famee. Par salvâ l'economie di ciase i vècios 'e misuravin dut, fur che l'aghe; e cussi se vignive le combinazion i zovins 'e jerin pronz a petâure ai vècios par mangiâ di scuindòn une bociade di plui, o magari cence misure, di ce che ur plaseve.

Une di chestis ocasions si presentave sul purcitâ. Lis fêminis che svuacaràvin dut el di, le sere, dopo che chei omps 'e levin a durmî, cu' la scuse di freâ, si fermiavin a bàs e ti fasevin lis sopis cul maranzòn. Saveso ce bon brût che al ven cul maranzòn!...