Tre ìn t’une volte

Une
E iè ben cognossude in lunc e in larc le brute fame dai gnò biel paîs: Monede false - regno di Buje.
Cumò che su cheste fame si van scrivìnt tantis robis, al è di iust che ancie ai letôrs dal "Ce fastu?" ur conti alc.
Dùncie i falsârs e' erin sot da l'Austrie, e fra di lôr e' vevin formade une ciadene lùngie e fuarte che veve i soi anei àncie tal cur dal Impero.
Famose 'e ere le Compagme dai siet Agnui. (Si clamave cussì parcechè erin siet di lor che vevin non Agnul).
I giornai e' vevin publicât che pal mês di iunc' el guviar al varès metût fur un gnûf tipo di monede.
Ma in chel mês e' stampin che i gnufs bês non erin pronz fin in setembar.
Al ven àncie setembar e i bês gnufs no si vedevin ancimò no.
Alore le companie dai Siet Agnui, à podût vé, non sai cemût, il disèn de future monede, an stampin une sèrie, e atôr atôr, là che; al veve di iessi scrit "Kaiser und Könik" a ti Sgnachin tant di "Regno di Buie".
'E cheste monede i e àn mandade a "Chec Bepo" disìnt che nol stès a butà vie pinsîrs, che chei di Buie e' varessin pensât a cunià la gnove monede.
Ma no'l è di crodi par chest fat
che sedi vignude a Buie tante glòrie...
Forsi, come che a Mortean 'e disin
"Blave" a Clauzêt "spirtâs", cussì a
Buje "Regno".
Cun cheste diferenze: che, chei di Buie le àn metude in pràtiche par no iessi di mancul.

DÔS
A di un pùar om, i laris une gnot i àn robât dut ce che al veve tal gialinâr.
Podês crodi ce displasè par chel biadèc'.
Si faseve in quatri par ciatà fûr chei ludros di laris danâs.
Ma al ere di bant. La tierze dì a binore al ieve e tal curtîl al ciate el gial, avilît cu le creste taiade, e atôr dal cuel un cartòn dulà che al ere scrit:
" Bundi sior paròn; di gial soi deventât ciapòn.
Soi stat fur tre seris e tre matinis, a viodi a fà el funerâl a es mes gialinis,
Se o stevi vie àncie une dì, mal fasevin ancie a mi.
Sior paròn al è di bant: no stait a cirì!".