Une volte operasions che uè lis fasin i veterinaris les fasevin cers umign che vevin imparât el mistîr a spesis des puares besties...

Par esempli i spade purcitis. E passavin a certis stagions pes borgadis, e ce fà an di ciatavin simpri.

Une dì, si conte, che al capitàs in Friûl un venezian che al faseve chest mistîr e, a une femine che ere in cjase bessole, i domandà in dialet:

— Gavè purcite da spadâr?

— Si che and'è une — e rispuint le femine — ma e iè un diaul...

— Lassè far a mi vu... femela veder...

Al jentre tal cjôt sigûr dal so fât: le scrove e scomence a cori di cà e di là rugnant feroce... forse e veve nasât el pévar!...

El spade purcitis i dà sot... ma quant che le bestie e scomenzà a muardilu si mêt a sberlà:

— Verza, parona... verza...

Le femine che di fûr e tignive le puarte e dà di clostri e vie tal ort a cioli le verze... un biel tôr cúl cûr dûr come une bale.

Quant che tornà, el spade purcitis al ere distirât, t'un lat di sanc e le bestie in bande tal cialave ancimò di stos...