Sputafuoco e Taffari e tanc' âtris amîs èrin lâs in montàgne a unîisi cui compàins partigjans de "Osôf". Èrin li a Mont di Prât, pròpit sòt dal Pik di Mai. Erin lâs sperand di da un còlp di man e sbrigâsi par une svelte liberasiòn. A lè cèrt che in montagne les rôbes si fasèvin cun criteri, cun logjiche e no erin fates come sòt le naje che se tu èris barbîr, ti fasèvin fà il ferecjavai; opur se tu èris mecanic ti fasevin fà el cògo; o se tu èris infermîr ti fàsevin fà el conducènt di mui e cussì vìe, dùt devantdaûr...

Invesit in montagne i caporiòns a cirìvin di fâti continuà su le tò stràde, usànt logjche e bon sens. Cussì, dopo jèsit stâs interogâs de comission, el comissàri clamàndus a alte vôs cui gnûfs nòms de batae: "Tu, Sputafuoco, sarai il macellaio del battaglione e tu, Taffari, sarai il cuoco per il comando di battaglione... Aiutatevi a vicenda quando sara necessario". Cussi, Tavio di Mènie (Sputafuoco), al é deven-tât becjâr dal battaglion, parvie che le so famèe par gjenèrasiòns e vèvin simpri fàt i mercjadàns di vàcjes. Invesit Luigino Cavalet (Taf-fari}, al é deventât cògo parvìe cal vignìve fûr di chei del Albergo all'"Eroe di Caprera"... Come ca si viôt, la logjche e jé stade usade cun inteligjense.

Taffari al judave Sputafuoco a spelà e tirà sù, su qualchi morâr, les besties cal macelàve, Sputafuoco al judàve Taffari a spelài qualche patate e tirà dongje qualchi lèn par fà fûc. Di cjàr e làt in montagne, no jé mai stàde misèrie. Taffari el cueìve cjàr dôs vòltes in dì, quasi sèmpri spessatìn, opùr par cambià... goulash. In tal comànd dì battagliòn , el vève di proviòdi si e no par une dosène di òms pui chei che capitàvin dongje di passac'. Mèni Stèk al ère incaricât sul prelevamìnt dès bèsties. Alère simpri indenât su pes malghes, jù in tài paisùs: al tratàve cui paròns ce besties che podèvin dànus e al tràtave ancje a cè prêsit.

Une di al rive tòr misdì dùt rabiôs, parcé al vève pierdùde le sedòn, o che je vèvin olmàde, come cal speculàve lui: insome, nol ère bon di cjatàle. "Ti dòi jò une sedòn se tu mi dàs che pipute li...", i dis Taffari. Meni Stek al gjàve le pipe de bòcje, le. gire e le vòlte, le cjàle e le ricjàle, che canùcje di baki1ìte dùte roseàde e, fòrsit pensànt di fa ancje un bon affàr o par vie ancje de fàn, i dìs di sì. Taffari el va tal sò ruck-sac e al gjave fûr le sedòn e si fàsin el scambio (sò mâri, prime di partì pe montagne, i vève fat un pôc di corèdo e vi vève metût ta chest ancje dôs sedòns e doi piròns, precausiòns di mâris).

Ere une pipùte picinine picinine, no pùi grande di une còcule, si e no si podeve meti dentri pôc pùi di une cjche. La prime robe cal fâs Taffari, al gjave le canucje dute roseade e le bute vie. "Cumo", al pensave, "i fasarai come cal fâs el mestri Amilcare cu les sôs pìpes". El mestri Amilcare al ère un mestri di mùsiche e, tra lâtri, ancje sòrd come une cjampane... Al insegnàve musiche e al ère une vôre rispie-tât di duc' pe sò professiòn: al vève tant di diplòmas di scueles, di academies e conservatòris. Al ère un grand conoscitôr e intenditôr su chest sogjèt. Dopo le musiche, le so passiòn pùi grande ère le pìpe. Anzit al ère ossessionât cùles pìpes, al vève un cùlt par lôr e i sòi discors e conversasiòns e finìvin simpri su chel sogjèt: su lès canucjes di marascje. Dopo dùt, nol vève tànte ìnt indulà podè conversà di musiche, ma di pìpes? Alvève simpri une udiense prònte. 

Ogni di al cambiàve pìpe. Al vève fàt le so mensulùte par tignìles in rìe cun le canùcje al insù, par che si disgòtin pùi ben. Al dèvi vent vùdes almancul une dozine…… Nissun no lu à mai viodût fumà con canucjes che no sèin stàdes di marascje. Prime di impià une pipàde, al passàve le canùcje sù e jù sòt el nâs e al sîeràve i vòi come in meditasiòn, par podè còncentrâsi sule finèce dal sò odôr… Ogni tànt le passàve tra i lâvris par dài un pôc di umiditât: "Sint chi, la si cjatino cheist aromes che mâri nature e à creât?", al disève a che che lu circondàvin in tàl cafè o in te ostarìe.

Or metève le canucje sòt el nâs passànt ùn pâr di vòltes sù e jù, simpri decantànt i pregjos de marascje e de nature che le à creade, come cal vès vùde une missiòn di completà. Al sameàve un missionàri evangjelist pe convinsiòn e ossessiòn in tal decantà i prègjos di chestes canucjes di marascje... Di duc' i bòscs di Buje e di Trèp no ere metrö quadrât che no ju vèi vûs perlustrâs. Al veve fàt un inventàri mentâl e al savève indulà che ogni lèn di marascje al esistève. In tal tàrd de sieràde, quant che les fuês èrin quasi dutes colàdest al partìve di buinòre in tài bòscs e nol tornàve fin in tal tàrd dopomisdì cun tun fassut di ramàs di marascje.

Di sòlit, prime di là a cjase, si fermàve par un tajùt li di Savonìt e, come un cjacciadôr e pescjadôr, cun bravùre al metève chest màc di ramàs di marascje a làrc su le tàule: "Viôt che chi, no ise une belèce. Viôt che curve lisère e delicàde che à cheste, e và a penèl pe pipe che mi ha regalàde monsignòr. E chèste? Viôt ce biei gropus che à. E pò, no sentîso ce fragrànce…". I ridèvin ancje i vòi di braùre e contentèce, al làve dùt in gjugjule…. Chest al ere
el periodo del àn che par une setemàne, simpri sul colà de lune, el mestri Amilcare religjosamènti al fasève el sò racòlt di ramaces dì marascje, calculand, ancje cun chês cal vève di regalà, che i vèvin di durài par dùt l'àn.

Taffari si visàve di vè viòdút une dì lànt jù a Folgjarie pôc prime di San Ròc, un biel lèn di marascie. Alore, subìt dopo gustât, si cjape su e al é lât jù di corse a tajà un' pôcjes di ramàces. Cul curtisùt les à tajàdes une buine cuàrte di lungjèce. Di une bande al à fàt dòi tapùs par podè tignîle tra i dintc’ e di che âtre bande le à spiciade a còni, par podè mètile in de pìpe, come che si fàs cùl spinèl di un caratèl. Cun tun fîl di fièr in bòre al à cirût di sbusâle in tal miec' de medole. Un lavôr di pasiènse, ma fúàrce di dài e ridài, al é rivât a sbusâlu fûr par fûr. No restàve che di colaudâle.

El coni de canucje strengiût in de pìpe, al ere un pôc còmut: le pìpe no stàve ben strète e ogni tànt i colàve fûr de canucje. Alòre cun tun fîl, come che fàsin i idraulics, la fàt su a tòr a tòr de bande dal coni e dopo velo fàt girà in bocje, al à comenciât a ividâl a prefesion in te pìpùte: “E fusione", al à esclamât Taffari dùt contènt. Le jèmple di “trinciato forte”, no dopo vè tirât fûr ches scjèles pùi gruèses che no stàvin in che pipùte cusì pìciule.

Cun tun stìc' le impìe: "Ce aròmè", al comènce, "cun cheste canucje el fùm al rivarà in bocje simpri frèsc". Taffari dùt contènt e cun tune importànce di intenditôr, al cirìve di impresionà i compàgns. Come un simiòt al cirìve di decantà emulànt come cal fasève el mèstri Amilcare. Passât i prìns dîs e dopo vé stufât dùt el batagliòn su les proprietâs e prègjos di chestes canùcjes di marascje, le novitât e jè làde svaninsi. Taffari però, al veve quasi simpri le sò pipute tra i dinc's. Ogni tànt le impiàve, ma la gustàve lostès, bastàve vêle vùde in bocje e sintì che fragrànce... Meni Stek, une dì, al rìve cun tun biel grand vigjèl.

Nol ere nè vigjel nè manc', forse, come che dìsin in taliàn, al ère un "vitellone". Sputafuoco el clame Taffari a dài une màn par picjâlu su di un lèn, dopo che lu vève macelât. I decante les proprietâs e musculadùre di chest "vitellone" e i sugjerìs che vignarèssin fûr "dei ottimi ossobuchi". "Benon, benon", i rispuint Taffari, "prepàriu che domàn ju fasarìn". Tal indomàn Sputafuoco al rive cun tune pile di "ossi-buchi", ben seâs in tal vuès e une gràmpe di cuèstest parcè al à pensât che di "ossi-buchi" non di ère avònde par dùc'.

Taffari, simpri cu la so pipùte in bocje, al comènce a fà propagande, a berghelà: "Oggi ossi-buchi alla montanara, specialità della casa... Ossi-buchi.... Oggi... ". E rive l'ore del rancio. Un aiarìn al sburtàve sù el fùm dal fûc di sot dal bidòn di bensine cal fasève di pignate, di fresòrie e ancje di cjalderòn: chel fùm al fasève un fastìdi e Taffari al vève dificoltât a viòdi ben. Alore al cjape le pipùte pe canucje e le mèt in tal sachetòn de cjamêse e al comence a dà fûr el rancio: "Oggi specialita, osso-buco alla montanara.

Oggi... Avanti uno alla volta, ce n'é per tutti.... Grande specialità.... ". Cui sentâs sot i lèns, cui su qualchi clàp, erin dutc' lì che si mangjave cun aviditât, quant une vôs: "Onori al cuoco" "Ma ce bòn", qualchidùn âtri. "Cui cal ùl, an di è ancjemò", al anùncie Taffari. Si viodeve che realmenti e se gustàvin, e respàvin e supàvin chei vuès, come sorbets. "Bravo" e complimentàvin. Sòt un faiâr al ère sentât el vice-comandant "Pamilo", ma cognossût pùi par "Ballarine", par vie cal ère simpri cal sperimentave cun bombes a màn fàtes di esplosîvs di plastiche che si clamàvìn "Ballarines". Al ère li che si gjoldeve questutes e "ossi-buchi alla montanara", quant al à domandât di vè une âtre porsion. Taffari i puarte une cjàce plène e je mèt te sò gavète: "Bravo", i dis Ballerine, "e jè ore che tu fàsis alc di bòn... ".

Al ère li che si gjoldêve chei vuès di cuestes e di "osso-buco" e ju metève in rìe su di un clàp: nancje un cjan nol podève vèi fàt un pùi bon lavôr. Dùt un colp al sàlte su in pìns, si mèt a spudà a dièstre e a ciampe, al comènce a sacraboltà e, simpri spudànt, al cjale chel vuès cal vève in man e che tànt lu vève supât....: ere le pipute di Taffari, nete e lustre.... Taffari a còlp al mèt la man in tal sachetòn de cjamêse e al tire fûr le..... Ere dome le canucje di marascje cun tun tòc di fîl cal pendolàve......