Chês di Buje

Fat a man di chês di Buje

no si po dî che no valin nuje

anzit e son propit preseôses

pes lôr vores veramentri maraveôses.

Les gnoces d'arint o volin festegjâ

e cun dut il cûr e dovin ringraziâ

dutes chês femines dal volontariât,

che un grant esempli di solidarietât

e di une stupende umanitât

e an proferìt a dute la comunitât.

E meretin dutes di jessi ricuardades

e tal albo d'aur di jessi immortalades;

il merit alè di chês che an tacât adore,

ma ancje di chês de ultime ore,

cussì o vuei ricuardà chês che an començàt

ma ancje dutes chês che an continuât

e in prin cence fâl Paola Capelet

che à simpri indreçàt e ben diret

dutes chès dal volontariât

vie pal lavôr e te mostre marçât,

jè e je intervignude in dut e à fat di dut

pipins, pipines e cuàlchi bielissim agnulut;

nol è stât facil, ma nancje dolorôs

tigni adun chel grop cussì vivarôs

cul grand ajût di Anna Carla ragioniere

simpri pronte e perfete a fà la cassiere.

Teresa e jè stade un supuart fondamentâl

e i siei cuadris le scene e an dominât cence fâl,

punto e croce veramentri speciâl

e jè le so caratteristiche personâl,

ma ancje Sandra cui siei dolcs soprafins

cun tortes, biscots e soredut arancins

e à contribuit a miorà i festegjaments

e a indulcî les bocjes e ancje i coments.

Anna Maria e jè tant brave te piture,

ma ancjemò miôr te art de sculture,

cu les sôs statuutes e i siei presepiuts

e à furnît in tantes cjases biei cjantonuts.

Ancje Sandra Taboga cull’handangher e il sfilât

cu la so bravure e la so sveltece e à partecipât

a fà plui siôr e artistic dut il grand lavôr

cu la passion e la voe di fa simpri miôr

e à confezionât pipines maraveôses

e tantes atres vores propit preseoses.

No pues stralassà Giuli, pedine impuartant

te dimension strategiche di dut rimplant,

Imelda paratri e fâs linzui maraveôs

e Cesire sartore e complete il lavôr preseôs

mentri che la Bepa e dà il sò contribût

e Marta, Iolanda e Ester e prestin il lôr ajût,

intant Loretta cun Laura in tandem perfet

e partecipin cul lôr lavôr a uncinet.

E no si po dismenteà Aviana e Annarosa Gallina,

ma nancje Simonetta, Carla e Luigina

e tante biele robute e an fate

Giovanna, Isa e Vale Renate.

Pur Ivalda Patriarca e Loredana o vuei ricuardâ

che linzui e cuviertines e son buines di fâ,

ancje Gabriella e Ivalda Piemont e an partecipât

come Gloria e Rosalia ognune te so specialitât

e an contribuît a puartà indenant

chest lavôr cussì preseôs e cussì impuartant.

Pieri e Roberto o vuei veu inliment

pal lór impegn preciôs e inteligjent

e an fat un lavôr di completament speciâl

veramentri indispensabil e fondamentâl.

Ducj e judin a mandà indenant la vore

par podé assisti e judà une vore

la int che jè in te plui nere puaretât

in qualsiasi part dal mond e in cualsiasi stât

parchè ducj a puedin vivi in mût decorós

cul nestri piçul, ma fondamentâl ajút gjenerós.

A dutes chês femines di buine volontât

e in particulâr a Paola che à tante capacitât

parchè e continuin cun fuarce e costance

cheste opare di grande impuartance.

Nò ur fasìn une esortazion,

ma ancje un fervorôs auguron

par continua chest sublim lavôr