Il grazie di Galipàn

FOTO

In te passade edizion di “Buje Pore Nuje!” i ai scrit de visite fate ae scuele di S. Isidro di Galipán, parsore Caracas; in chest numar us presenti le letare che le diretore Judith Guevara  e a mandât ae comunitât di Buje. I fruts, i mestris e le diretore e esprimin peraules di gradiment e ricognoscince pe donazion ricevude; insieme ae letare e son diviers disens, i vin sielt un pôs che us fasìn viodi.  DISENS

Galipán, ai 31 di març

Stimade Rachele Tonino

 Prime di dut le saludìn cun afiet a nom di ducj i fruts, frutes, mestris e de comunitât di Galipán, i augurin ancje el miôr sucès in te solidâl ativitât sociâl che cun impegn e entusiasim e puarte indenant.

 Cheste letare e à el scopo di esprimi dut il nestri agrât a jè e ae int di Buje pal sostegn dât ae nestre istituziòn cule donazion di 2.000.000 di bolívars (1) che i vin ricevût des mans dal vuestri grop di lavôr durant le visite che nus vês fat in avost dal 2004.

Par nô chest impuart al è rivât juste in timp e in tal moment just, difat lu vin utilizât par regolâ e mantignî le pompe da l’aghe.  Le pompe da l'aghe de scuele, tai ultins timps, e presentave grues problems che varessin vût come conseguence un periodo di sospensiòn des lezions e che grazie a vuatris nol à coventât. (2)

 Le nestre int e jè une vore contente e si sint onorade pe vuestre visite, nus jemple di orgoi contâ su vêrs amîs come vuatris ch’e son boins di coltivâ in tal propri spirt le solidarietât, l’amôr, el interès necessari par meti adun les fuarces par judâ i fruts e les frutes dal mont intîr. Tal stes mût i sperìn che i viodedis in nô un’atre man amie disponibil a judâus in tal difìcil còmpit di costruî un futûr miôr.

 A traviers dai disens e dai scrits, ch’i zontìn ae letare, i fruts di Galipán e esprimin dute le gratitudine dal nestri popul e i sperìn che i  podedis condividi cun ducj chei che intune forme o chê âtre e metin insieme i sfuarçs par fâ in mût che no i ricevedin le donaziòn.

 Cence zontâ âtri e cui miôrs augurs par ducj vuatris, us saludi.

                                                                         Lic. Judith Guevara

                                                                               Diretore

 notes:

(1)   2.000.000 bolìvars in tal 2004 e jerin 800 euros.