Un Valôr

di Gianni Cappelletti

 

 

 

Si clamave passion
e la màe
(che sudôr al penžave el colôr)
si sintive di cjase:
un cjessût tôr di te!
Les fantates,
pôc usades a viodi crotam,
’e saltavin el gjèspui
e, sul “campo”,
un cisìc, po' un sunsûr, po' un berghèl
fin al “goooool”.
Tu sês lât
e te scuadre lassù
tu âs cjatât
altre int di Ursinins che,
cun te,
’e à pidât chel balòn
o altre int che,
tal Buje, ’e à zuât.
No ti conti di Mano
o Tite o Drèe Cost
o pûr di Nisio
che passion è à robât
in chel Belgjo
che mâl za al fasè
a Marcinelle.
Ma ’o vuei dî di Dancelli
che, cui pîs, al à fat marivèe
o pûr Checo, nostràn glemonàs
confondût cu la màe dai torêi!
podarès lâ ancjemò a lunc
ma ’e finìs la partide;
cumò al nas un trofeo
cul to non:
Non di omp.