«Noi sempre propensi a secondare le inclinazìonì di chi comanda... » La Municipalità di Udine, 1797.

Tal ultin numar de riviste «Gnovis pagjinis furlanis» (VIII, 1990), fevelant dal autonomìsìm furlan dal 1866 al 1945, 'o vin viert un discors sul sotanisim, ven a stâj su la cortesanerie, il bovarisim dai Furlans. Lu vin viert citant une frase di un dai storics plui reputâz di chenti, Pieri Silveri Leicht, tirade fûr de sô «Breve storia del Friuli» dulà ch'al fevele de fin dal Stât patriarcjâl furlan o, in concret, de fin dal «diritto di governarsi da sé», come ch'al precise il storic.

Eco lis sôs peraulis: «Non è quindi il caso di biasimare i Friulani che si diedero a Venezia (tal 1420) dato che vi furono spinti da una ferrea necessità. Perdevano, è vero, il diritto di governarsi da sé, ma almeno diventavano sudditi non di un potentato transalpino, ma d'una grande potenza italiana». Cheste frase dal Leicht, come ch'e si pò viodi, 'e pant plui la consolazion di sei lâz a finîle sot di un «paron» talian, la Republiche di Vignesie, che no la disperazion par sei lâz a finîle sot di un paron, ch'a son duc' compagns ce plui ce mancul, talians o foresc'.

Cheste veretât nus 'e presente ancje Elio Bartolini cussì: «Il document di fonde dai rapuarz, luncs ma ancje unevore semplizs, ch'e àn leât il Friûl a Vignesie dal 1420 al 1797, al è la scriture che il Senât venit al à acetât parie i Furlans tamquam bonos et fideles servitores nostros. Tant a dî par sotans che no vevin nissun dirit ni politic ni economic ni culturâl». E Josef Marchet al note: «Per il Friulano qualunque, ai tempi del Serenissimo Dominio, il Veneziano era il padrone che si subisce senza giudicare».

Lis datis de storie dal Friûl ch'a màrchin il passaz di une sotanance a di chê altre 'a son chestis: il 1420, quant ch'a tache la paronance di Vignesie; il 1797, quant ch'a rìvin Napoleon (che nol à metût lidrîs tant insot) e l'Austrie; il 1866, quant che l'Italie 'e cjape il Friûl dicà dal Judri e il 1918,quant ch'e cjape chel dilà e ch'e scomence la traine (ch'e dure ancjmò in dì di uê) se il Friûl al à di sei di/cun Vignesie oben di/cun Triest.

Pal popul, ch'al veve cif e zaf a campâ la vite, un paron o chel altri al jere chel istes e po il popul nol veve vôs. Le vevin invecit i siôrs, la nobiltât, la podestarie, i sorestanz, i culturâz, i majorenz furlans.

'Zuan Comelli tal so libri «Uarte àella stampa nel Frìuli V. G.», tal presentâ la produzion dal stampadôr dal '600 Lorio, al dîs che «non ha saputo liberarsi dall'ondata di servilismo che accomunava scrittori e poeti nell'ossequio verso i rappresentanti della Serenissima».

Daspò de reine dal Adriatic al rive su la sene dal Friûl «chel dai spirons d'aur», Napoleon. Al veve di vêju tant lustris di inceâ su duc', dibot. Gino Pieri tal so libri «Napoleone e il dominio napoleonico in Friuli» nus conte ce sorte di acet ch'al à vut dai sorestanz di chenti: «un profluvio di oratoria, sempre retorica e spesso servile», a Udin, a San Denêl, a Osôf, pardut si pò dî.

Si lu clame: «onnipossente, supremo, immortale, genio, pacificatore del mondo e creatore della gloria italiana, eroe dell'universo, duce di vittoriose falangi, padre pietoso, conquistatore benefico, estimatore delle virtù, legislatore provvido, pacificatore dell'Europa, restauratore e protettore della nostra santa cattolica religione, adorato sovrano»; si laude i siei «inauditi portenti militari e politici, gli immortali trionfi, le sublimi memorande imprese, la sapientissima legislazione»; si proclame di sei pronz a proferîj no dome «le chiavi della città, ma ancor più i cuori e le forze dei cittadini, ad esibirgli, in servaggio, e sostanze e sangue, a spargere l'ultima goccia di sangue per la sua gloria».

Une dì Napoleon al rivà a Spilimberg. Nus conte duncje simpri Gino Pieri: «Egli si fermò al palazzo Stella, accolse i componenti la comunità con a capo il conte Francesco di Spilimbergo, il quale trovò il generale che stava riscaldandosi davanti al caminetto e gli chiese: - Cittadino generale, resteremo francesi o austriaci? -... » Ce furlans!? Francês o austriacs! Il biel al è che il stes Pieri, che pûr al palese dut il so dispresi par chest sotanisim, si lasse dopo scjampâ ancje lui une cortesanade scrivint: «Si aggiunga che benefici di altro ordine, anche economico, portò l'occupazione francese, sia... sia migliorando i sistemi di difesa militare della regione». Biei beneficis!

Se chest al è stât Pacet che lis autoritâz j àn dât ai Francês no si à di crodi ch'al fos discompagn pal paron ch'al è vignût dopo. Ve' ce ch'e à disponût la Muncipalitât di Udin tal 1797 par ricevi «degnamentri» i Austriacs: «Cittadini, che in altrin incontri palesaste la vostra adesione alle premure di questa locale Municipalità, datene un nuovo testimonio anche nelle circostanze presenti ornando di strati le fenestre del primo appartamento delle vostre case all'arrivo in città delle Truppe austriache e illuminandole tutte nella sera dell'arrivo del medesimo».

Par chel ch'al rivuarde l'acet dai Talians de bande dal popul tal 1866, al è famôs ce ch'al à scrit Quintino Sella al President dal Consei talian: «Non vi fu la più piccola traccia di manifestazione, come se si fosse trattato di una pace fra la Cina e il Giappone».

Il popul no ur à fate nissune fieste ai Talians ch'a jentravin a Udin; ma tantetant Tito Maniacoo te sô «Storia del Friuli» al scrîf che «furono accolti con entusiasmo dagli Arcadi»! E il Podestât e doi conseîrs dal Comun di Udin cussì j fevelàrin al re in ocasion de so prime visite al Friûl: «Riunite, o Sire, intorno a voi i nuovi figli, concordi e risoluti, che sono a sostenere la dignità della corona e i diritti della nazione.

Sì, chiedete e vite e sostanze e tutto, e noi con lieto animo ve lo offfriamo, onde vi sia dato tenere alto il vessillo tricolore su quegli estremi confini d'Italia che furono tracciati dal dito di Dio e che impunemente non saranno mai più violati».

Popul di une idee e sorestanz di un'altre, si ajal di concludi? Il prin indiferent a duc' e chei altris pronz a «offrire il tributo del più fedele e amoroso vassallaggio», magari in genoglon? Al pararès propit di sì. Gjavant qualchi ecezion, che ben s'intint. Massime se si met de bande dai sorestanz ancje chel che j dìsin «il quarto potere», ven a stâj i gjornâi. «Non ho potuto trattenere l'espressione del mio disgusto per una polemica che da Venezia e Trieste trattava il Friuli come terra di conquista, mentre la stampa di Udine teneva bordone... » al scriveve tal 1923 (pôc prin di murî) il deputât Josef Girardini, dut passionât tal viodi cemût che si compuartavin i sfueis de sô citât.

E purtrop chel nol è un câs isolât. Par no tratâ dai timps di uê che duc' ju àn sot i vôi, ferminsi al '38 cun tun altri biel esempli. Ve' cemût che la Filologjche 'e saludave il Duce in chel an: «I Friulani sono tutti in linea, pronti coll'aratro e col fucile, al vostro comando, per ogni ardimento, in pace od in guerra!».