|
Cûr di Mari di Domenico Zannier |
Medaglia di Pietro Galina
Rivade la sere, al polse il Friûl. Te vite si spere, tun cîl cence nûl. Ma a colp une scosse 'e fâs tremâ il mont. La tiere 'e jè rosse. cul cîl si confont. Un polvar di flame. 'E còlin i mûrs. Si disfe la trame dai cops e dai scûrs. 'E sta dant di tete la mari al so frut e j dîs - benedete! - ch'al stei cujetut. Un lamp. A' si sdrume Te vite si spere, La muart 'e consune il nît sot il trâf. 'E plate la mari il so fantulin par ch'al si ripari di chel montafin. E qualche le gjavin 'e jè par murî, tal sen però i cjàtin la vite a flurî. O grant cûr di mame, to fi al è ch'al vîf. 'E vinč la tô flame il mont plui cjatîf. |