aprile 1999

Le cjase di Fasûl a Saramont

e devente sede dal Centro di Catalogazion

Cheste volte i scrivìn cun braure: nol è passât trop timp dal nestri ultin numar di gjornâl indulà che une pagjine intierie e jere cjapade de Cjase di Fasûl a Saramont cuntun scrit tecnic che al invoave a cjapâsi a cûr di chest cjanton di Buje cu le sô muse sclete di architeture spontanee, che bielzà si son movûdes les cjartes e les persones justes. El fabricât al à cjatade le sô defini-zion di funzion e, di conseguence, i finanziaments necessaris per tignîlu inpins. Tant che centro di catalogazion dai studis. des testemoneances materiai, (imprescj e manufats; videoteche: biblioteche specializade in tal setôr, archivio multimediâl e v. i.) le cjase e deventarà Centro di Catalogazione delle Fornaci e dei FORNACIAI BUJESI DALL'ETÀ ROMANA AD OGGI.

Si pò dome crodi trop contents che ducj nô i sin. nô che i vin il mâl dal madon come ducj i nestris paesans. Di chest sfuei il nestri ríngraziament aes persones che an savût fâ valê le lôr autoritât, che an metût in moto le burocrazie par tignî cont di un toc di storie che e fâs part di dutes les nestres famèes: le storie dai fornasîrs.